ក្រុមជម្រើសជាតិអូស្ត្រាលី បានលត់មីយ៉ាន់ម៉ាយ៉ាងចាស់ដៃដោយលទ្ធផល ៧-០ កាលពីល្ងាចម្សិលមិញ នៅពហុកីឡដ្ឋានជាតិ ដើម្បីក្តោបឱកាសឡើងលេខ២ពូល B ពានរង្វាន់ AFF U16 Championship ឆ្នាំ២០១៦។

ជ័យជម្នះដ៏លើសលប់និងជាលើកដំបូងរបស់ក្រុមកង់គូរូ រកបានដោយកីឡាករលេខ១១ Muratovic ៣គ្រាប់ នៅនាទីទី ២៧, ៨៨ និង ៩០+៣។ ចំណែកមិត្តរួមក្រុម Seldon, King, Moric និង Brook រកបានម្នាក់មួយគ្រាប់ដែរ។

សរុបការប្រកួត៣ជុំនេះ អូស្ត្រាលី មាន៤ពិន្ទុ ពីការប្រកួតចាញ់១ ស្មើ១ និងឈ្នះ១ ហក់ឡើងលេខ២ លើក្រុមមីយ៉ាន់ម៉ាដែលស្មើពិន្ទុតែចាញ់គ្រាប់បាល់ចំណេញ។

ប្រកួតបន្ទាប់ អូស្ត្រាលី និងប៉ះ សិង្ហបុរី ឯមីយ៉ាន់ម៉ា ជួបក្រុមម៉ាឡេស៊ី នៅថ្ងៃទី១៦ ខែកក្កដា ខាងមុខ។