ជើងខ្លាំង មឿន សុខហ៊ុច បានឈ្នះខ្សែក្រវ៉ាត់ Max Mauy Thai យប់មិញនៅប្រទេសថៃ ដោយទទួលបានប្រាក់រង្វាន់ជាង៥០០០$។

ក្នុងជុំដំបូង អ្នកប្រដាល់ក្លឹបពុធសេរីវង្ស បានទាត់ឲ្យអ្នកលេងរម្លងដែនពីទួគី Umut Norgaz ថ្លស់ថៃ ហើយបោះបង់ការប្រកួតត្រឹមទឹកទី១។ ឈានដល់វគ្គផ្តាច់ព្រ័ត្រ អ្នកប្រដាល់កម្ពុជា បានតស៊ូពេញ៣ទឹកតទល់ជើងខ្លាំង ស៊ុយអែត Sammon Decke។ ការប្រកួតពេញ៣ទឹក សុខហ៊ុច បានព្យាយាមទាត់ជាច្រើនជើង ខណៈដៃគូរបស់គេបានសងកណ្តាប់ដៃមកវិញរហូត សុខហ៊ុច បែកចិញ្ចើមហូរឈាមពេញមុខ។ ចប់ការប្រកួត ចៅក្រមបានកាត់ក្តីត្រឹមស្មើគ្នា ហើយបន្ថែម១ទឹកទៀតដើម្បីរកអ្នកឈ្នះ រួចមកក៏ សុខហ៊ុខ វាយផ្តាច់យកជ័យជម្នះតែម្តង។

ជ័យជម្នះ និងក្លាយជាម្ចាស់ខ្សែក្រវ៉ាត់ Max Mauy Thai នេះ បានជួយឲ្យ មឿន សុខហ៊ុច ទទួលបានប្រាក់រង្វាន់ ២សែនបាត ស្មើនិងជាង៥០០០ដុល្លារអាមេរិក។

https://youtu.be/muJF94hfwbM