លោកJurgen Klopp អ្នកចាត់ការក្រុម Liverpool បាននិយាយថាខ្លួនគឺជាអ្នកគាំទ្ររបស់កីឡាករ Manchester United ៣នាក់គឺ Paul Pogba, Zlatan Ibrahimovic និង Wayne Rooney។

ការប្រកួតរវាង Liverpool និង Manchester United ដែលគេដាក់ឈ្មោះឱ្យថា Red War (សង្គ្រាមក្រហម) នឹងចាប់ផ្ដើមនៅម៉ោង២រំលងអាធ្រាត្រយប់នេះហើយ។ ដោយអ្នកចាត់ការក្រុមទាំងសងខាងសុទ្ធតែមានទំនុកចិត្តរៀងៗខ្លួន ក្នុងការទទួលបានជ័យជម្នះលើដៃគូប្រកួត ដើម្បីយកបាន៣ពិន្ទុបន្ថែម។

យ៉ាងណាមិញ អ្វីដែលគេកត់សម្គាល់ជាងគេនោះ គឺលោក Klopp អ្នកចាត់ការក្រុមហង្សក្រហមបានលើកឡើងនៅមុនការប្រកួតនេះថាខ្លួនស្រលាញ់កីឡាកររបស់ Man Utd ដល់ទៅ៣នាក់ ព្រោះ៣នាក់នេះសុទ្ធតែ World Class Player ទាំងអស់។

“ខ្ញុំជាអ្នកដឹកនាំក្រុម Liverpool ដូច្នេះ ខ្ញុំមិនសូវនិយាយថាពេញចិត្តកីឡាករ Man Utd ទេ។ ប៉ុន្តែអ្វីនៅពេលនេះ ដែលខ្ញុំមិនអាចលាក់បាន គឺកីឡាករក្រុមបិសាចក្រហម៣នាក់ ពិតជាល្អមែន។ ខ្ញុំតែងតែសរសើរពួកគេកន្លងមក។ ដែលនេះជាហេតុដែលធ្វើឱ្យខ្ញុំគាំទ្រពួកគេ”។ សម្ដី Klopp ៕