លោក Lee Taehoon គ្រូបង្គោលក្រុមជម្រើសជាតិកម្ពុជាបានពន្យល់ថា មូលហេតុដែលលោកដាក់ប្រយុទ្ធពេញជើងមាន ចាន់ វឌ្ឃនាកា,ប្រាក់ មុន្នីឧត្តម, និង កែវ សុខផេង លេងជុំគ្នាតាំងពីវគ្កទី១ គឹដោយសារលោកដឹងច្បាស់ថា ប្រ៊ុយណេដែលមានកម្រិតទាបជាង នឹងលេងបែបកាពារ ដូច្នេះត្រូវតែដាក់ប្រយុទ្ធល្អបំផុតដើម្បីគាបសង្កត់ពួកគេ។

លោក Lee រៀបរាប់ថា ប៊្រុយណេ នឹងប្រើទម្រង់កាពារយ៉ាងប្រាកដ ដូច្នេះមានតែប្រើខ្សែប្រយុទ្ធខ្លាំងទាំង៣ជុំគ្នា ទើបអាចរកគ្រាប់បាល់បានមុនក្នុងជំនួបល្ងាចមិញ។

«ខ្ញុំកម្រដាក់កីឡាករទាំង៣លើទីលានជុំគ្នាណាស់ ព្រោះពួកគេមិនសូវពេញលក្ខខណ្ឌលេងដូចគ្នា ប៉ុន្តែយប់មិញពួកគេត្រូវតែលេង ដើម្បីពង្រឹងតំបន់ខាងលើ ហើយរកគ្រាប់ឲ្យបានមុនបំបាក់ទឹកចិត្តដៃគូ។» សម្តីលោក Lee ។

កម្ពុជា ដណ្តើមបាន៣ពិន្ទុបន្ថែមក្រោយបំបាក់ភ្ញៀវប្រ៊ុយណេ៣-០ ដោយខ្សែប្រយុទ្ធ ប្រាក់ មុន្នីឧត្តម រកបាន២គ្រាប់ និង កែវ សុខផេង រកបាន១គ្រាប់។

ក្នុងតារាងចំណាត់ថ្នាក់បច្ចុប្បន្ន កម្ពុជា ឡើងកំពូលតារាងមាន៦ពិន្ទុក្នុងដៃ ក្រោយ២ប្រកួតឈ្នះទាំង២។ ប្រកួតចុងក្រោយតទល់ទីម័រ គោព្រៃ ត្រូវការត្រឹមស្មើប៉ុណ្ណោះក៏អាចឡើងដែរ។