ខ្សែភ្លើងកប់ក្រោមបាតសមុទ្រលើកទីមួយនៅកម្ពុជា នឹងត្រូវបានដាក់បញ្ជូនប្រភពអគ្គិសនី ឆ្លងកាត់មហាសមុទ្រទៅឲ្យកោះស្តេច នឹងជួយបញ្ចុះថ្លៃអគ្គិសនីលើសពី ៥០ភាគរយទៀតផង។ នេះបើយោងតាមគេហទំព័ររបស់ អាជ្ញាធរអគ្គិសនីកម្ពុជា ចេញផ្សាយកាលពីម្សិលមិញនេះ។
ខ្សែភ្លើងនេះ ជាខ្សែទីមួយហើយ ដែលត្រូវកប់ក្រោមបាតសមុទ្រ តភ្ជាប់ទៅកាន់កោះស្តេច ឃុំកោះស្តេច ស្រុកគិរីសាគរ ខេត្តកោះកុង។
ប្រភពអគ្គិសនីនេះ នឹងភ្ជាប់ជូនប្រជាពលរដ្ឋនៅកោះស្តេច ក្នុងពេលឆាប់ៗខាងមុខនេះ ដើម្បីបញ្ចុះតម្លៃអគ្គិសនីពីបច្ចុប្បន្ន ២០៥០៛ ទៅ ១០០០៛ ក្នុងមួយគីឡូវ៉ាត់ម៉ោង ក្នុងដំណាក់កាលដំបូង និងបន្ទាប់មក ចុះមកត្រឹម ៧៩០៛។
លើសពីនេះទៅទៀត ក៏មានការអនុគ្រោះ២ទៀត គឺគិតត្រឹមតម្លៃ ៦១០៛ សម្រាប់អ្នកប្រើមិនលើស ៥០គីឡូវ៉ាត់ម៉ោងក្នុង១ខែ និង ៤៨០៛ សម្រាប់អ្នកប្រើមិនលើស ១០គីឡូវ៉ាត់ម៉ោងក្នុង១ខែ។
គួរជម្រាបដែរថា ប្រជាពលរដ្ឋប្រមាណជា ៦០០គ្រួសារនៅលើកោះ និងអ្នកប្រកបអាជីវកម្មនានា បានអបអរសាទរយ៉ាងខ្លាំងចំពោះការជួយរបស់រាជរដ្ឋាភិបាល៕
![](https://i0.wp.com/cdn.pnm.news/2017/02/16387019_1721669834789662_5712157859909620965_n.jpg?resize=640%2C425&ssl=1)
![](https://i0.wp.com/cdn.pnm.news/2017/02/16472803_1721670114789634_4308581004030636603_n.jpg?resize=640%2C425&ssl=1)
![](https://i0.wp.com/cdn.pnm.news/2017/02/16473004_1721669808122998_4085925505441653875_n.jpg?resize=640%2C360&ssl=1)
![](https://i0.wp.com/cdn.pnm.news/2017/02/16473716_1721669778123001_3620662660031204805_n.jpg?resize=640%2C480&ssl=1)
![](https://i0.wp.com/cdn.pnm.news/2017/02/16406765_1721670004789645_5586155431059168640_n.jpg?resize=640%2C425&ssl=1)
មតិយោបល់