គម្រោងអគារខុនដូ The ទស្សនា Residence កម្ពស់ ៣២ជាន់ បានប្រកាសបញ្ចប់ការសាងសង់ជាផ្លូវការ ក្រោយពីបានបោះទុនវិនិយោគជាង ៣០លានដុល្លារអាមេរិក។ នេះបើយោងតាម ទីភ្នាក់ងារសារព័ត៌មានជាតិ បានចេញផ្សាយកាលពីម្សិលមិញនេះ។
អគារខុនដូ The ទស្សនា Residence សាងសង់ឡើងនៅលើផ្ទៃដីទំហំជាង ១០០ម៉ែត្រការ៉េ ស្ថិតនៅលើផ្លូវ ៣៧០ ក្នុងសង្កាត់បឹងកេងកង១ ខណ្ឌចម្ការមន រាជធានីភ្នំពេញ ហើយអគារនេះ បែងចែកបន្ទប់ស្នាក់នៅជា ៣ប្រភេទគឺ បន្ទប់ស្ទីតយោ បន្ទប់លក្ខណ:គ្រួសារគ្រែ១ និងគ្រែ ២។
បច្ចុប្បន្នគម្រោងនេះ ទទួលបានការបញ្ជាទិញរហូតដល់ ៧០ភាគរយ ដែលក្នុងនោះ អតិថិជនក្នុងស្រុកមានជាង ៥០ភាគរយ។
មូលហេតុដែលអគារ The ទស្សនា ត្រូវបានជ្រើសរើសដាក់នៅទីតាំងនេះ គឺ តំបន់បឹងកេងកង ជាតំបន់មួយដ៏ល្អ ដែលមានសាលារៀនជាតិ អន្តរជាតិ មន្ទីរពេទ្យ និងជាទីតាំងដែលសម្បូរទៅដោយអភិជនរស់នៅ ហើយវាជាតំបន់មានសក្តានុពលខ្លាំង ដែលនឹងមានកំណើនយ៉ាងលឿនបំផុត។
គួរជម្រាបដែរថា រយ:ពេល ១០ចុងក្រោយនេះ វិស័យសំណង់មានការរីកចម្រើនយ៉ាងខ្លាំង រួមមានអគារខ្ពស់ៗ បុរី ទីក្រុងរណប ត្រូវបានសាងសង់ជាបន្តបន្ទាប់ រហូតមកដល់បច្ចុប្បន្នមាន អគារខ្ពស់ចំនួន ៣៨៦អគារ៕
មតិយោបល់