ផ្ទះ ព័ត៌មានសេដ្ឋកិច្ច ឆ្នាំនេះ ពិព័...

ឆ្នាំនេះ ពិព័រណ៍ផលិតផលខ្មែរ នឹងធ្វើឡើងក្នុងព្រឹត្តិការណ៍អង្គរសង្រ្កាន្ត នៅក្រុងសៀមរាប

0

ពិព័រណ៍ពាណិជ្ជកម្មផលិតផលខ្មែរ នឹងប្រារព្ធធ្វើឡើងក្នុងព្រឹត្តិការណ៍អង្គរសង្រ្កាន្ត នៅថ្ងៃទី ១៣ ដល់ ១៦ ខែមេសាខាងមុខនេះ នៅក្រុងសៀមរាប ខេត្តសៀមរាប។ នេះបើយោងតាមសេចក្តីជូនដំណឹងរបស់ក្រសួងពាណិជ្ជកម្ម។

ការរៀបចំព្រឹត្តិការណ៍នេះឡើង គឺដើម្បីចូលរួមអបអរសាទរ ពិធីបុណ្យចូលឆ្នាំថ្មីប្រពៃណីខ្មែរ និងជាឱកាស សម្រាប់យុវជន និងប្រជាពលរដ្ឋកម្ពុជា បានជួបជុំគ្នា ក្នុងនាមជាមហាគ្រួសារខ្មែរតែមួយ។

ក្រសួងពាណិជ្ជកម្ម ក៏សូមជម្រាបជូនដល់ ម្ចាស់សហគ្រាស ពាណិជ្ជករ និងអាជីវករ ដែលមានបំណងចូលរួមផ្សព្វផ្សាយ និងលក់ផលិតផលរបស់ខ្លួន ក្នុងព្រឹត្តិការណ៍នេះ អាចទំនាក់ទំនងទៅកាន់ អគ្គនាយកដ្ឋានជម្រុញពាណិជ្ជកម្ម នៃក្រសួងពាណិជ្ជកម្ម។

សម្រាប់ព័ត៌មានលម្អិត មានភ្ជាប់ជូននៅខាងក្រោម៖

មតិយោបល់