សាលារាជធានីភ្នំពេញ នឹងធ្វើការកែលម្អសួនច្បារដេអិន ចាប់ពីផ្លូវលេខ ១៣៤ ដល់ក្តាន់ពីរ ក្នុងខណ្ឌ ៧មករា ហើយគ្រោងនឹងបញ្ចប់ក្នុងរយៈពេល ៣ខែ។ នេះបើយោងតាមគេហទំព័រហ្វេសប៊ុកផ្លូវការរបស់ រដ្ឋបាលរាជធានីភ្នំពេញ កាលពីម្សិលមិញនេះ។

គម្រោងនេះ នឹងរៀបក្រាលថ្មក្រានីត រៀបចំសួនផ្កាស្មៅ បង្គោលភ្លើងបំភ្លឺសួន បំពាក់ឧបករណ៍ហាត់ប្រាណ និងបង្គន់សាធារណៈ។

សួនច្បារនេះ គ្រោងនឹងបញ្ចប់ការកែលម្អក្នុងរយៈពេល ៣ខែ ឲ្យបានរួចរាល់មុនបុណ្យចូលឆ្នាំខ្មែរ ដែលនឹងចូលមកដល់ក្នុងពេលដ៏ខ្លីខាងមុខនេះ៕