បរទេសៈ ការមករដូវ គឺជាវដ្តនៃដំណើរការបញ្ចេញស៊ុតពីស្បូនតាមរយៈទ្វារមាស ក្នុងមួយខែម្តង។ ប្រសិនបើស៊ុតជួបមេជីវិតឈ្មោលស្ត្រីនឹងមានផ្ទៃពោះ ហើយការមករដូវនឹងបាត់រហូតដល់ពេលកូនកើតរួច។

ក៏ប៉ុន្តែមានមនុស្សជាច្រើនឆ្ងល់ថា តើការរួមភេទក្នុងថ្ងៃមករដូវអាចមានកូនដែរទេ?
មេជីវិតឈ្មោលអាចរស់នៅក្នុងរាងកាយរបស់មនុស្សស្រីរហូតដល់ទៅ ៥ថ្ងៃ។ ដូច្នេះប្រសិនបើពួកគេធ្វើសកម្មភាព ភេទនៅចុងបញ្ចប់នៃការមករដូវ ឱកាសនៃការមានកូនពិតជាមាន ព្រោះមេជិវិតឈ្មោលនៅតែរស់ ហើយអាចធ្វើដំណើរទៅជួបជាមួយនឹងស៊ុត។

តាមការសន្និដ្ឋានរបស់អ្នកជំនាញបង្ហាញឲ្យដឹងថា ការរួមភេទដោយមិនបានការពារក្នុងអំឡុងពេលមករដូវ ឱកាសនៃការមានកូន គឺមានតិចតួច។ ដូច្នេះប្រសិនបើអ្នកមិនទាន់មានគម្រោងចង់បានកូនទេ គួរការពារឲ្យបានត្រឹមត្រូវ៕