មីយ៉ាន់ម៉ាៈ អតីតប្រធាន U.N. លោកកូហ្វីអាណាន់ បានមកដល់រដ្ឋ Rakhine ភាគពាយ័ព្យប្រទេសមីយ៉ាន់ម៉ា ដើម្បីដោះស្រាយស្ថានភាពជនជាតិម៉ូស្លីមរ៉ូហ៊ីងយ៉ា ក្រោយការបង្ក្រាបរបស់កងទ័ពរដ្ឋាភិបាល ដែលបានសម្លាប់ មនុស្សយ៉ាងហោចណាស់៨៦ នាក់ និង១០,០០០នាក់ទៀត បានរត់ភៀសខ្លួនទៅកាន់ប្រទេសបង់ក្លា
ដេស។ នេះបើយោងតាមសារព័ត៌មានChannel News Asia ចេញផ្សាយនៅថ្ងៃទី២ ខែធ្នូ ឆ្នាំ២០១៦។

លោកអាណាន់នឹងចំណាយពេលមួយថ្ងៃ នៅក្នុងរដ្ឋធានីនេះ មុនពេលធ្វើដំណើរទៅកាន់តំបន់ផ្តាច់ខ្លួន នៅភាគខាងជើង ដែលរងការវាយប្រហារដោយពួកសកម្មប្រយុទ្ធ តាមបណ្តោយព្រំដែនកាលពីថ្ងៃទី ៩ ខែតុលា។

សូមជំរាបថា មេដឹកនាំមីយ៉ាន់ម៉ាលោកស្រីអ៊ុងសានស៊ូជី បានតែងតាំងគណៈកម្មាការ ដែលមានសមាជិកប្រាំបួននាក់ ដើម្បីដោះស្រាយជម្លោះ ក្នុងការប្រយុទ្ធគ្នាមួយ ដែលបានផ្ទុះឡើងរវាងជនជាតិភាគតិចកាន់សាសនាព្រះពុទ្ធ និងសាសនាអ៊ីស្លាមកាលពីឆ្នាំ ២០១២ ដែលហេតុការណ៍នោះ បានបង្កឲ្យមនុស្ស ១០០ នាក់ស្លាប់៕