Post News Media ព័ត៌មានសុខភាព អាហារូបត្ថម្ភ...

អាហារូបត្ថម្ភ៣ប្រភេទ ដែលស្ត្រីមានផ្ទៃពោះ​ពុំគួរលើកលែង​ឡើយ

ក្នុងដំណាក់កាលមានផ្ទៃពោះ ស្ត្រីត្រូវការអាហារូបត្ថម្ភជាច្រើន ដើម្បីពង្រឹងដល់សុខភាព និងជួយឲ្យកូនលូតលាស់បានល្អ។ ប៉ុន្តែ ស្ត្រីភាគច្រើនមិនដឹងថា អាហារប្រភេទណាដែលពួកគេគួរតែជ្រើសមកទទួលទាននោះឡើយ។ យោងតាមគេហទំព័រ pregnancyvideo បានបង្ហាញថា មានអាហារ ៣ប្រភេទ ដែលស្ត្រីមានផ្ទៃពោះគ្រប់រូបមិនគួរមើលរំលងឡើយ។

បន្លែ និងផ្លែឈើ: អាហារដែលល្អបំផុតសម្រាប់ស្ត្រីមានផ្ទៃពោះ គឺបន្លែ និងផ្លែឈើ ដែលសម្បូរវីតាមីន សារធាតុរ៉ែ ព្រមទាំងជាតិសរសៃ។ បន្លែ និងផ្លែឈើដែលអ្នកគួរញ៉ាំរួមមាន៖ ការ៉ុត ផ្លែចេក ផ្លែក្រូច ខាត់ណាផ្កា ដំឡូងបារាំង ប៉េងប៉ោះ ស្ពៃក្តោប បន្លែពណ៌បៃតង…ជាដើម។

ប្រូតេអ៊ីនមានខ្លាញ់តិច: ប្រូតេអ៊ីនមានខ្លាញ់តិច អាចជួយឲ្យកូនរបស់អ្នកលូតលាស់បានល្អ ជាពិសេស​ការបន្ថែម​អាហារទាំងនេះ​នៅត្រីមាស​ទីពីរ និងទីបី។ ប្រូតេអ៊ីនប្រភេទនេះមាននៅក្នុងសាច់មាន់ ត្រី ស៊ុត… ប៉ុន្តែអ្នកកុំភ្លេចបន្ថែមអាហារ ដែលមានផ្ទុកវីតាមីន B ព្រមទាំងជាតិដែកផងដែរ។

គ្រាប់ធញ្ញជាតិ: គ្រាប់ធញ្ញជាតិទាំងនោះមានដូចជា ស្រូវសាឡី ល្ង អង្ករ ពោត ដំឡូងជ្វា សណ្តែកខៀវ… អាចជួយផ្តល់ជាតិសរសៃ ជាតិដែក វីតាមីនB និងសារធាតុរ៉ែផ្សេងទៀត។ មិនតែប៉ុណ្ណោះ វាអាចជួយបំពេញ និងរក្សាថាមពល​របស់ស្ត្រីមានផ្ទៃពោះឲ្យរឹងមាំពេញមួយថ្ងៃ៕

Loading...