Post News Media ព័ត៌មានសុខភាព ប្រយត្ន! ប្រើ...

ប្រយត្ន! ប្រើថ្នាំលាបក្រចកញឹកពេក កើតទុក្ខធំដល់រាងកាយ

ការប្រើប្រាស់ថ្នាំលាបក្រចកញឹកញាប់ពេក ក្រចករបស់អ្នក​នឹងចាប់ផ្តើមស្ងួត ហើយប្រែទៅ​ជាពណ៌លឿងបន្តិចម្តងៗ។ ទាំងនេះ​ក៏ដោយសារតែ​សារធាតុគីមី ដែលត្រូវបាន​គេប្រើសម្រាប់លាយនៅក្នុងថ្នាំលាបក្រចកអស់​ទាំងនោះ។

ទោះជាយ៉ាងណា បើយោងតាមគេហទំព័រ Brightside បានបង្ហាញថា ការប្រើប្រាស់គ្រឿង​សំអាងមួយប្រភេទនេះ អាច​ប៉ះពាល់​​ធ្ងន់ធ្ងរ​ដល់សុខភាព ព្រោះក្នុងថ្នាំលាបក្រចកត្រូវ​បានគេបញ្ចូល​សារធាតុគីមីមួយ​ចំនួនដូចជា:

សារធាតុ Toluene: នេះគឺជាសារធាតុគីមីដែលធ្វើឲ្យក្រចកមានភាពភ្លឺរលោង ក៏ប៉ុន្តែវាអាច​ប៉ះពាល់​ដល់​ប្រព័ន្ធប្រសាទកណ្តោល និងបង្កឲ្យមានជំងឺបន្តពូជ ឈឺក្បាល ខ្សោយកម្លាំង ល្ហិតល្ហៃ ចង្អោរ ជាដើម។

សារធាតុ formaldehyde: នេះគឺជាឧស្ម័នពណ៌ ដែលជួយឲ្យក្រចកមានពណ៌ជាប់បានយូរ ប៉ុន្តែ​ប្រសិនបើ​អ្នកមានបញ្ហា​អាឡែកស៊ី វាអាចបង្កឲ្យមានការ​រលាកស្បែក។ ក្នុងករណីធ្ងន់ធ្ងរ អាចបង្កឲ្យមានបញ្ហា​ដល់​ចង្វាក់បេះដូង ប្រកាច់ ឬកើត​ជំងឺមហារីក។

សារធាតុ Dibutyl Рhthalate: សារធាតុគីមីមួយនេះត្រូវបានគេដាក់ដើម្បីឲ្យមានក្លិនក្រអូប។ ប៉ុន្តែ​វត្តមាន​របស់វា អាចបង្កឲ្យអ្នកប្រើប្រាស់​កើតជំងឺរោគស្ត្រី និងជំងឺរលាកផ្លូវដង្ហើម។

ជាមួយគ្មាននេះផងដែរ អ្នកវិទ្យាសាស្ត្របានធ្វើការសិក្សាទៅលើស្ត្រីមួយក្រុមដែល​មានគ្នា ២៤នាក់ ហើយក្រោយពេល​ដែលពួកគេ​ប្រើ​ថ្នាំលាបក្រចក ៦ម៉ោងបាន​រកឃើញថា កម្រិតនៃ​សារធាតុគីមី Diphenyl Phosphate បង្កើត​ឡើង​នៅក្នុង​ប្រព័ន្ធដំណើរការ​រំលាយអាហារ។ ក្រោយរយ:ពេល ១០ម៉ោង កម្រិតសារធាតុ Diphenyl Phosphate នៅក្នុង​រាងកាយ បានកើនឡើង​ដល់ទៅ ៧ដង ដែល​ជារឿងដ៏ឲ្យខ្លាចបំផុត។

អាស្រ័យហេតុនេះហើយ អ្នកគួរតែកាត់បន្ថយ​ការប្រើប្រាស់ថ្នាំលាបក្រចក ដើម្បីជៀសវាង​ផលប៉ះពាល់​ផ្សេងៗដូច​ដែល​បាន​រៀបរាប់​ពីខាងលើនេះ៕