ការប៉ះពាល់នឹងកម្តៅព្រះអាទិត្យច្រើនពេក អាចបណ្តោលឲ្យកើតមានស្នាមអុជខ្មៅនៅលើស្បែក។ ហេតុនេះ ដើម្បីការពារស្បែកមិនឲ្យមានបញ្ហាដោយសារតែកាំរស្មី UV អ្នកគួរតែស្លៀកពាក់ឲ្យជិតៗ បាំងឆ័ត្រ ឬប្រើឡេការពារកម្តៅថ្ងៃ។
តែទោះជាយ៉ាងណា យោងតាមគេហទំព័រ healthylifehouse បានបង្ហាញថា ប្រសិនបើអ្នកមានស្នាមអុជខ្មៅរួចទៅហើយ អ្នកអាចប្រើប្រាស់មើមដំឡូងបារាំង។ ព្រោះមើមដំឡូងបារាំងត្រូវបានគេរកឃើញថា មានសមត្ថភាពអាចទប់ស្កាត់ការកើតមុន ជួយផ្តល់សំណើមដល់ស្បែក កម្ចាត់រង្វង់ភ្នែកខ្មៅ កាត់បន្ថយការរលាក កាត់បន្ថយភាពចាស់ និងលុបបំបាត់ស្នាមអុជខ្មៅ យ៉ាងមានប្រសិទ្ធភាព។
ខាងក្រោមនេះ គឺជារូបមន្តលប់បំបាត់ស្នាមអុជខ្មៅ នៅលើដងខ្លួន និងផ្ទៃមុខ:
ដំឡូងបារាំង និងការ៉ុត
- យកដំឡូងបារាំង និងការ៉ុត ១មើមដូចគ្នា ចិតសំបកចេញឲ្យស្អាត រួចកិនឲ្យក្លាយជាល្បាយ។
- បន្ទាប់មក អនុវត្តភ្លាមៗត្រង់កន្លែងដែលមានបញ្ហា រួចទុកឲ្យល្បាយធ្វើសកម្មភាពរយ:ពេល២៥នាទី ទើបលាងសម្អាតជាមួយនឹងទឹកធម្មតា។
ដំឡូងបារាំង និងទឹកក្រូចឆ្មា
- យកដំឡូងបារាំងមួយមើមចិតសំបកចេញ រួចកិនឲ្យក្លាយជាល្បាយ។
- បន្ទាប់មកពុះយកក្រូចឆ្មាមួយចំហៀងច្របាច់យកទឹកលាយជាមួយនិងដំឡូងដែលកិនហើយនោះ។
- ចាប់ផ្តើមអនុវត្តនៅលើផ្ទៃមុខរបស់អ្នករយ:ពេល ១៥នាទី ទើបលាងសម្អាតជាមួយនឹងទឹកក្តៅឧណ្ឌៗ។
រូបមន្តទាំងពីរនេះ អ្នកអាចជ្រើសមួយណាក៏បានដែរ ប្រសិនបើគិតថាងាយស្រួលសម្រាប់អ្នក ប៉ុន្តែសូមព្យាយាមអនុវត្តជាប្រចាំមួយថ្ងៃម្តង ជារៀងរាល់ពេលល្ងាច៕
មតិយោបល់