ផ្ទះ ព័ត៌មានសុខភាព មិនបាច់ដើររកន...

មិនបាច់ដើររកនាំតែហត់ទេ! ចង់បានធ្មេញស ប្រើ៣វិធីនេះនឹងសម្រេចដូចបំណង

0

តើអ្នកចង់បានស្នាមញញឹមប្រកបទៅដោយភាពស្រស់ស្អាតមែនទេ? ដើម្បីសម្រេច​បំណងមួយនេះ មនុស្សភាគច្រើន​តែងតែ​សុំជំនួយ​ពីទន្តពេទ្យ។ ប៉ុន្តែ ក្រៅពីជម្រើសមួយ​នេះ អ្នកក៏អាចប្រើវិធីធម្មជាតិ​ដោយខ្លួនឯង​ក៏អាចជួយឲ្យធ្មេញ​សស្អាតស​បានដែរ។ បើយោង​តាមគេហទំព័រ wittyfeed បានបង្ហាញ​ថា វិធីសាស្ត្រធម្មជាតិទាំងអស់នោះ ពិតជាមានប្រសិទ្ធភាពក្នុងការ​សម្អាត​ស្នឹម​ពណ៌លឿង​នៅជាប់នឹងធ្មេញ ហើយ​ងាយស្រួល​រក​ថែម​ទៀត។

១.សំបកចេក
ឈប់គិតថាសំបកចេកគ្មានប្រយោជន៍ទៀតទៅ វាអាច​ជួយសម្អាតធ្មេញ​ឲ្យសស្អាត​បាន។ អ្នកគ្រាន់តែ​យក​សំបក​ចេក​ផ្នែក​ខាងក្នុង​ត្រដុស​នៅលើធ្មេញឲ្យសព្វកន្លែង បន្ទាប់មកទុក៥ទៅ៧នាទី ទើបលាងសម្អាតចេញ។ អនុវត្តបែបនេះ​មួយថ្ងៃឲ្យបាន២ទៅ៣ដង ធ្មេញ​របស់អ្នក​នឹង​សស្អាតដូចធម្មជាតិ។

២.ប្រេងដូង
ប្រើប្រេងដូងទៅជូតសម្អាតលើធ្មេញឲ្យសព្វ រួចរងចាំ១៥ទៅ២០នាទី។ បន្ទាប់មកប្រើច្រាស់ដុសសម្អាត​ដោយយកចិត្តទុកដាក់​បំផុត។ អនុវត្ត​បែបនេះ​ជារៀងរាល់ថ្ងៃ អ្នកនឹងឃើញ​ភាពខុសប្លែក​ពេលដែលបាន​ប្រើប្រាស់១សប្តាហ៍ដំបូង។

៣.ជីនាងវង
បេះស្លឹកជីនាងវង ១០ទៅ១៥សន្លឹកបុក​ឲ្យម៉ត់ រួចប្រើច្រាស់ដុសដូចប្រើថ្នាំដុស​ធ្មេញធម្មតា។ អ្នកត្រូវព្យាយាម​អនុវត្ត​មួយថ្ងៃ​ឲ្យបាន​ពីរដង គឺពេលព្រឹក​នឹង​ពេលល្ងាច ធ្មេញរបស់អ្នក​នឹងសស្អាត ហើយមាន​សុខភាពល្អ​ថែមទៀត។

ក្នុងចំណោមវិធីសាស្ត្រធម្មជាតិទាំង៣នៅ​ខាងលើនេះ អ្នកអាចប្រើប្រាស់មួយណា​ក៏បានដែរ ប្រសិនបើអ្នក​គិតថា​ងាយស្រួល៕