ការរួមភេទ គឺជារឿងមួយដែលមិនអាចខ្វះបាន​សម្រាប់គូស្នេហ៍គ្រប់រូប ព្រោះវាជួយឲ្យពួកគេមាន​ភាពស្និតស្នាលកាន់តែខ្លាំង ហើយយល់ចិត្តគ្នាកាន់តែច្បាស់។ ក៏ប៉ុន្តែបើយោងតាម​គេហទំព័រ naturalmedicinebox បានបង្ហាញថា ទោះបីជា​ការរួមភេទ​មានសារៈសំខាន់​សម្រាប់គូស្នេហ៍យ៉ាងណាក៏ដោយ តែអ្នកមិនត្រូវប្រព្រឹត្តក្នុងអំឡុងពេលមករដូវ​ឡើយ។ ព្រោះក្នុងពេលនេះ សុខភាព​របស់មនុស្សស្រីចុះខ្សោយ ហើយមិនអាចស៊ូទ្រាំជាមួយ​នឹងការឆ្លងមេរោគបានឡើយ។ ជាពិសេស​អ្នកជំនាញ​បានបង្ហាញ​ថា ការរួមភេទក្នុងពេល​មករដូវ អាចប្រឈមនឹងបញ្ហាធំៗ​៤ចំណុច។

១.លទ្ធភាពនៃការឆ្លងមេរោគអេដស៍ទៅកាន់ដៃគូប្រុសមានកម្រិតខ្ពស់បំផុត។
២.ឱកាសនៃការឆ្លងមេរោគផ្សេងៗ (ឧទាហរណ៍ ជំងឺប៉េស) ពីបុរសទៅមនុស្សស្រី ខ្ពស់ជាងពេលធម្មតា។ មិនត្រឹមតែប៉ុណ្ណោះ ការរួមភេទក្នុងពេលនេះ ធ្វើឲ្យមនុស្សស្រីប្រឈមនឹងហានិភ័យនៃការឆ្លងជំងឺរលាកអាងត្រគាកខ្លាំងផងដែរ។
៣.មនុសស្រីងាយនឹងឆ្លងជំងឺតាមរយៈឈាម ដូចជា រលាកថ្លើមប្រភេទB ឬC បើដៃគូរបស់នាងមានជំងឺបែបនេះ។
៤.មនុស្សស្រីអាចប្រឈមនឹងការឆ្លងមេរោគផ្សិត បាក់តេរី ដោយសារតែកម្រិតpH របស់ទ្វារមាសនៅក្នុងពេលនេះមានអាស៊ីតតិច។

ចំណំាៈ ប្រសិនបើអ្នកនៅតែចង់រួមភេទក្នុងអំឡុងពេលមករដូវទៀតនោះ សូមការពារ​ដោយ​ប្រើស្រោម​អនាម័យ ទើបមានសុវត្ថិភាព​ចំពោះភាគីទាំងសងខាង៕