ដើម្បីកម្ចាត់រោមខ្មៅៗនៅលើបបូរមាត់ ឬចង្កា មនុស្សភាគច្រើនតែងតែប្រើជន្ទៀសសម្រាប់ដក ប៉ុន្តែការធ្វើបែបនេះអាចនាំឲ្យមានការឈឺចាប់ រោមដុះមកវិញធំៗ ឬអាចឆ្លងមេរោគថែមទៀត។ ទោះជាយ៉ាងណា ប្រសិនបើអ្នកចង់កម្ចាត់គ្មានការឈឺចាប់ ហើយលែងដុះមកវិញជារៀងរហូត សូមប្រើប្រាស់វិធីសាមញៗពីរយ៉ាង។ វិធីទាំងពីរយ៉ាងនេះ ត្រូវបានគេទទួលស្គាល់ថា ពិតជាមានប្រសិទ្ធភាព ហើយមិនចាំបាច់ចំណាយច្រើនឡើយ។

ខ្ទឹមស
១.ដំបូងអ្នកត្រូវយកខ្ទឹមសទៅកិន រួចពូតយកទឹក។
២.ប្រើសំឡីមួយដុំជ្រល់ឲ្យជោគ រួចជូតនៅលើតំបន់ដែលអ្នកចង់កម្ចាត់រោម មួយថ្ងៃ២ដង។
៣.ទុករយ:ពេល៣០នាទី ទើបលាងសម្អាតជាមួយនឹងទឹកក្តៅឧណ្ឌៗ តែកុំភ្លេចប្រើក្រែមផ្តល់សំណើមតាមក្រោយ។

ប្រសិនបើអ្នកមានបញ្ហាស្បែកងាយនឹងប្រតិកម្ម គួរជៀសវាងរូបមន្តមួយនេះ ប៉ុន្តែអ្នកអាចប្រើរូបមន្តមួយផ្សេងទៀតបាន។

ម្សៅសូដា (Baking Soda)
១.បន្ថែមម្សៅសូដា១ស្លាប ទៅក្នុងទឹកក្តៅចំណុះ២០០មីលីលីត្រ កូរឲ្យរលាយ។
២.ទុកឲ្យត្រជាក់ សឹមយកសំឡីមួយដុំធំល្មមជ្រលក់ឲ្យជក់ទឹក។
៣.បន្ទាប់មក យកសំឡីនោះទៅបិទពីលើពុកមាត់ ឬពុកចង្កា ទុកចោលមួយយប់។

នៅពេលព្រឹកឡើងទើបយកចេញ ប៉ុន្តែកុំភ្លេចប្រើក្រែមផ្តល់សំណើមត្រង់ចំណុចនេះផង។ ពុកកមាត់ ឬពុកចង្ការបស់អ្នក នឹងចាប់ផ្តើមជ្រុះបណ្តើរៗបន្ទាប់ពីប្រើប្រាស់ ២ទៅ៣លើកដំបូង៕

ប្រភព: healthylifehouse