បរទេស៖ រយៈពេលមធ្យមនៃការមករដូវ គឺនៅចន្លោះពី ២១ ទៅ ៣៥ថ្ងៃ ប៉ុន្តែបើសិនជាតួលេខខុសពីនេះ ចាត់ទុកថាជាការមករដូវមិនទៀង។ គ្រប់ស្ត្រីទាំងអស់សុទ្ធតែធ្លាប់ឆ្លងកាត់បទពិសោធន៍នៃការមករដូវមិនទៀង វាអាចកើតមានឡើងម្តងក្នុងមួយឆ្នាំ។ ប៉ុន្តែស្ត្រី​ភាគច្រើន​មិនសូវ​យកចិត្តទុក​ដាក់​ចំពោះបញ្ហា​នេះទេ លុះត្រាតែមានប៉ះពាល់ដល់សុខភាពធ្ងន់ធ្ងរទើបរកគ្រូពេទ្យឲ្យជួយ។

ដូច្នេះហើយ សូមកុំ​បណ្តោលឲ្យ​បញ្ហា​មួយនេះកើត​ឡើង​ចំពោះអ្នកញឹកញាប់ពេក ជាពិសេស​គួរស្វែងយល់​ និង​ជៀសវាងកត្តាមួយចំនួនដូចខាងក្រោម៖

អាយុ
ស្ត្រីដែលធ្លាប់មានរដូវមិនទៀងទាត់ នៅឆ្នាំចុងក្រោយនៃការមករដូវរបស់ពួកគេ នឹងមានការមករដូវមិនទៀងម្តងទៀត។

ស្ត្រេស
នៅពេលដែលមនុស្សម្នាក់រងសម្ពាធពីបញ្ហាស្ត្រេស អ័រម៉ូននៅក្នុងរាងកាយនឹងមានការប្រែប្រួល នេះហើយ​ជាមូលហេតុ​មួយដែល​ធ្វើឲ្យអ្នក​មានរដូវ​មិនទៀង។

គេងមិនទៀងទាត់
បរិមាណ និងគុណភាពនៃការគេងរៀងរាល់យប់ អាចប៉ះពាល់ដល់អ័រម៉ូន ហើយបន្ទាប់មកវានឹងប៉ះពាល់ដល់ការបញ្ចេញអូវុល។ គ្រូពេទ្យភាគច្រើនបានផ្តល់អនុវសាសន៍ថា ជាមធ្យមអ្នកត្រូវគេងឲ្យបាន ៨ ទៅ ១០ ម៉ោងជារៀងរាល់យប់ ដើម្បីធានាដល់តុល្យភាពអ័រម៉ូន។ ការគេងមិនបានគ្រប់គ្រាន់ ជាដើមហេតុនាំឲ្យមករដូវមិនទៀង។

ការផ្លាស់ប្តូរទម្ងន់
ទម្ងន់អាចប៉ះពាល់ដល់ការផលិតអ័រម៉ូននៅក្នុងរាងកាយ ដូច្នេះនៅពេលដែលកម្រិតជាខ្លាញ់លើស ឬក្រោម កម្រិតមធ្យមខ្លាំងពេក ការមករដូវរបស់អ្នកក៏មិនទៀងទាត់ដែរ។

ការប្រើថ្នាំព្យាបាលជំងឺ
ថ្នាំមួយចំនួនដូចអាច Ibuprofen, Aspirin, Coumadin, Aaproxen អាចប៉ះពាល់ដល់ការផលិតអ័រម៉ូន Estrogen និង Progesterone នេះជាដើមហេតុមួយទៀត ដែលនាំឲ្យមានការមករដូវមិនទៀង៕