ឥណ្ឌា: ប្រធានគណបក្សសមាជដែលគណបក្សប្រឆាំងធំជាងគេរបស់ប្រទេសឥណ្ឌាលោកស្រី Sonia Gandhi បានចេញពីមន្ទីរពេទ្យឯកជនមួយនៅទីក្រុងដេលី កាលពីព្រឹកថ្ងៃអាទិត្យនេះ ក្រោយពីបានទទួលស្គាល់ថា លោកស្រីបានដេកសម្រាកព្យាបាលរយ:ពេល១០ថ្ងៃហើយ ដោយសារកើតមានគ្រុនក្តៅ, កង្វះទឹកក្នុងខ្លួននិងរបួសស្មា។ នេះបើយោងតាមការចេញផ្សាយដោយសារព័ត៌មានចិនស៊ិនហួ នៅថ្ងៃទី១៤ សីហា ឆ្នាំ២០១៦។
លោកស្រីត្រូវបានផ្លាស់ប្តូរទៅមន្ទីរពេទ្យ Ganga Ram បន្ទាប់ពីសម្រាកព្យាបាលនៅមន្ទីរពេទ្យឯកជនមួយ ដែលឈានមុខគេនៅក្នុងទីក្រុងដេលី កាលពីថ្ងៃទី០៣ ដែលបានមកពីមន្ទីរពេទ្យកងទ័ពមួយថ្ងៃបន្ទាប់ពីលោកស្រីបានធ្លាក់ខ្លួនឈឺ ក្នុងអំឡុងពេលលោកស្រីចុះសួរសុខទុក្ខប្រជាពលរដ្ឋជាមួយសភាតំណាងរាស្ត្រ នាយករដ្ឋមន្ត្រីឥណ្ឌាលោក Narendra Modi នៅទីក្រុង Varanasi ក្នុងភាគខាងជើងរដ្ឋ Uttar Pradesh។
លោកស្រីត្រូវបានគេរាយការណ៍មកថា បានបាក់ស្មានិងបានទទួលការវះកាត់នៅលើស្មាឆ្វេងរបស់នាងនៅមន្ទីរពេទ្យដូចគ្នា។ ហើយលោកស្រីមានវ័យ ៦៩ឆ្នាំរូបនេះ បានត្រូវចេញពីមន្ទីរពេទ្យសប្តាហ៍មុន ប៉ុន្តែវាត្រូវបានពន្យារពេលដូចដែលគាត់បានទទួលរងពីការឆ្លងមេរោគមួយ។
កាលពីក្នុងឆ្នាំ២០១៤ គាត់ត្រូវបានគេបញ្ជូនទៅមន្ទីរពេទ្យ Delhi សំរាប់ការព្យាបាលនៃការឆ្លងមេរោគ។ ហើយនៅឆ្នាំ២០១៣ គាត់ត្រូវបានគេនាំទៅកាន់មន្ទីរពេទ្យប៉ុន្មានម៉ោង បន្ទាប់ពីគាត់បានធ្លាក់ខ្លួនឈឺនៅក្នុងសភាឥណ្ឌា។ ក្នុងឆ្នាំ២០១១ គាត់បានទៅសហរដ្ឋអាមេរិកដើម្បីទទួលបានការវះកាត់ជំងឺផងដែរ។
សូមជម្រាបថា លោកស្រីគឺជាស្ត្រីមេម៉ាយរបស់អតីតនាយករដ្ឋមន្រ្តីឥណ្ឌាលោក Rajiv Gandhi ដែលជាសមាជិកនៃរាជវង្ស Nehru-Gandhi ដែលបានគ្រប់គ្រងប្រទេសនេះជិត ៦០ឆ្នាំ ចាប់តាំងពីទទួលបានឯករាជ្យក្នុងឆ្នាំ១៩៤៧ ហើយលោកស្រីបានក្លាយជាប្រធានគណបក្សសមាជ ដែលបានបាត់បង់ការបោះឆ្នោតសកលនៅឆ្នាំ២០១៤ ក្នុងការប្រកួតប្រជែងជាមួយគណបក្ស Bharatiya Janata របស់លោកម៉ូឌី៕
មតិយោបល់