បរទេស៖ ការសិក្សាមួយនៅសាលកវិទ្យាល័យ Grenoble-Alpes ប្រទេសបារាំង បានរកឃើញថា បុរសដែលចូលចិត្តញ៉ាំរសជាតិហិរ ជួយឲ្យកម្រិតអ័រម៉ូន Testosterone កើនឡើងខ្ពស់ និងមានចំណង់ផ្លូវភេទខ្លាំង។

ក្នុងចំណោមបុរសប្រមាណជា ១១៤ នាក់ មានអាយុចាប់ពី ១៨ ទៅ ៤៤ឆ្នាំ បានសាកល្បងញ៉ាំដំឡូងបារាំងចៀន ជាមួយនឹង​ទឹកជ្រលក់​ដែល​មាន​រស​ជាតិហិរ និងប្រៃ។ លទ្ធផលបានបង្ហាញថា បុរសដែលញ៉ាំរសជាតិហិរ ជួយឲ្យកម្រិតអ័រម៉ូន Testosterone កើនឡើងខ្ពស់ ស្របពេល​ដែល​អ្នកញ៉ាំ​ជាតិប្រៃមិនអាចជួយឲ្យកម្រិតអ័រម៉ូនកើនឡើងនោះទេ។

បើយោងតាមការស្រាវជ្រាវរបស់លោក Laurent Begue ការញ៉ាំអាហារមានរសជាតិហិរទៀងទាត់ “បានរួមចំណែកដល់ការកើនឡើងនៃកម្រិតអ័រម៉ូន Testosterone” ប៉ុន្តែការរកឃើញមួយនេះមនុស្សជាច្រើនមិនទាន់ដឹងនៅឡើយ។

ទោះជាយ៉ាងណា នៅមានកត្តាគួបផ្សំមួយចំនួនទៀត ដូចជា ហ្សែន, សរីរវិទ្យា, ផ្លូវចិត្ត, ទម្លាប់នៃការរស់នៅ… ក៏ចូលរួមចំណែក​ជួយឲ្យ​បុរស​មានឥទ្ធិពល​ផ្លូវភេទខ្លាំង​ផងដែរ៕