បរទេស៖ ការសិក្សាមួយដែលបានធ្វើឡើងដោយលោកវេជ្ជបណ្ឌិត Nam Dang និងមិត្តរួមក្រុម នៃសាកលវិទ្យាល័យ Florida បានរកឃើញថា ល្ហុងមានគុណសម្បត្តិប្រឆាំងនឹងជំងឺមហារីក និងទប់ស្កាត់ការលូតលាស់ដុំសាច់មហារីក។
ក្រុមអ្នកស្រាវជ្រាវបានចម្រាញ់ស្លឹកល្ហុងមកធ្វើការពិសាធន៍ លើកទីមួយរកឃើញថា វាអាចផលិតម៉ូលេគុលសំខាន់ៗ ដែលអាចរក្សាលំនឹងប្រព័ន្ធភាពស៊ាំបានយ៉ាងល្អ។
ចំពោះការស្រាវជ្រាវនេះ ទាក់ទងនឹងជំងឺមហារីក ១០ប្រភេទផ្សេងគ្នា ដូចជា មហារីកស្បូន, ថ្លើម, សុដន់, សួត, លំពែង… ។ គ្រប់ករណីទាំងអស់ដែលបានប្រើប្រាស់ស្លឹកល្ហុង ធ្វើឲ្យកំណើននៃដុំសាច់មហារីកមានការថយចុះ។ លើសពីនេះទៅទៀត អ្នកជំនាញបានកត់សម្គាល់ឃើញថា ការប្រើស្លឹកល្ហុងអាចជួយគ្រប់គ្រងស្ថានភាពប្រព័ន្ធភាពស៊ាំមិនឲ្យរលាក, ជំងឺអូតូអ៊ុយមីន(autoimmune) និងជំងឺមហារីកជាច្រើនទៀត។
គុណសម្បត្តិមួយចំនួននៃការព្យាបាលដោយប្រើស្លឹកល្ហុង៖
- ការពារ និងព្យាបាលជំងឺមហារីក ព្រមទាំងអាឡែស៊ី
- ជម្រុញដល់ការលូតលាស់រាងកាយ និងបង្កើនថាមពល
- ជំនួយដល់ប្រព័ន្ធសសៃឈាមបេះដូង
- ពង្រឹងប្រព័ន្ធការពាររាងកាយ
- បង្ការជំងឺភ្នែកឡើងបាយ
- កាត់បន្ថយជំងឺរលាក
- បំបាត់អាការ:ក្អួតចង្អោរ និងទល់លាមក
- ប្រយុទ្ធប្រឆាំងនឹងជំងឺមហារីកដូចជា មាត់ស្បូន, សុដន់, ថ្លើម, សួត… ។
ទាំងអស់នេះហើយ គឺជាអត្ថប្រយោជន៍ដ៏អស្ចារ្យនៃការប្រើប្រាស់ស្លឹកល្ហុង៕
មតិយោបល់