ចិន: បើយោងតាមការិយាល័យកិច្ចការស៊ីវិលខេត្តកាលបានឲ្យដឹងនៅថ្ងៃព្រហស្បតិ៍នេះថា ដោយសារ​មាន​ភ្លៀងធ្លាក់ខ្លាំងដែលបានវាយប្រហារខេត្ត Hebei ប្រទេសចិន ចាប់តាំងពីព្រឹកថ្ងៃពុធ ដែលបានបណ្តាលឲ្យមនុស្សចំនួន ១៤នាក់​ស្លាប់និង ៧២ នាក់ទៀតបាត់ខ្លួន។ នេះបើយោងតាមការចេញផ្សាយដោយសារព័ត៌ាមានចិនស៊ិនហួរ នៅថ្ងៃទី២១ កក្កដា ឆ្នាំ២០១៦នេះ។

ដោយឡែក ព្យុះមានផ្គររន្ទះនិងភ្លៀងធ្លាក់ខ្លាំង បាននាំឱ្យមានការលុបចោលនិង​ពន្យាពេល​ជើងហោះហើររាប់​រយនៅព្រលាន​យន្តហោះទីក្រុងប៉េកាំង និងទីក្រុង Tianjin។ ជើងហោះហើរប្រមាណ ២២៦ជើង​គ្រោងចាកចេញទៅកាន់ព្រលាន​យន្តហោះ​អន្តរជាតិប៉េកាំងត្រូវ បានលុបចោលនៅម៉ោង៤ រសៀលកាលពីថ្ងៃពុធម្សិលមិញ រីឯជើងហោះហើរ ១៨៨ផ្សេងទៀតត្រូវបានលុប​ចោល​ពី​ព្រលានយន្តហោះទីក្រុង Tianjin Binhai ខណ:ពេលដែលជើងហោះហើរចំនួន ២៥បន្ថែមទៀត​គ្រោងនឹងចុះចត​នៅ​ទីក្រុង Tianjin ត្រូវបានហោះហើរទៅកាន់បណ្តាទីក្រុងផ្សេងៗទៀត៕