សល់រយៈពេល ៤ថ្ងៃទៀតតែប៉ុណ្ណោះ លោក ប្រធានាធិបតីហ្វីលីពីន និង អ្នកប្រដាល់ល្បីឈ្មោះ ប៉ាគីអាវ នឹងមកទស្សនកិច្ចប្រទេសកម្ពុជា ។
យោងតាមការបង្ហោះលើហ្វេសប៊ុក របស់លោក ខៀវ កាញារីទ្ធ នៅមុននេះបន្ថិចឲ្យដឹងថា លោកប្រធានាធិបតីហ្វីលីពីន ឌុយទែកតេ ល្បីហើយ តែពេលមកកម្ពុជា គាត់នាំអ្នកល្បីមួយទៀតមកជាមួយ គឺព្រឹទ្ធសមាជិក ប៉ាគីវ(ប៉ាគីអាវ) អ្នកប្រដាល់ល្បីឈ្មោះពិភពលោក ។ ពិតជាគណៈប្រតិភូល្បីល្បាញមែនហើយលើកនេះ ហើយជាការរីករាយមួយសំរាប់កម្ពុជាផងដែរ ។
បើយោងតាមគេហទំព័រ rappler ចុះផ្សាយនៅថ្ងៃទី៩ ខែធ្នូ ឆ្នាំ២០១៦ នេះបានឲ្យដឹងថា ប្រធានាធីបតីខាងលើ នឹងមកទស្សនកិច្ចនៅកម្ពុជា ចាប់ពីថ្ងៃទី១៣ ដល់ទី ១៤ ខែធ្នូ ហើយបន្តទៅកាន់សឹង្ហបុរី នៅថ្ងៃទី១៥ ១៦ ខែធ្នូ នេះ ៕
មតិយោបល់