ភ្នំពេញៈ គណបក្សសង្រ្គោះជាតិ បានប្រកាសធ្វើសន្និសីទកាសែតមួយនៅម៉ោង១១៖០០ព្រឹក ថ្ងៃទី៣០ ខែឧសភា ឆ្នាំ២០១៦នេះ នៅស្នាក់ការកណ្តាល ដែលស្ថិតនៅសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។

សន្និសីទនេះ ធ្វើឡើងស្របពេលដែលគណៈកម្មាធិការអចិន្រ្តៃយ៍រដ្ឋសភា ប្រជុំ និងសម្រេចបើកផ្លូវឲ្យសមត្ថកិច្ច និងតុលាការ បន្តចាត់ការលើលោក កឹម សុខា ប្រធានស្តីទីគណបក្សសង្រ្គោះជាតិ ទៅតាមផ្លូវច្បាប់ បន្ទាប់ពីលោក កឹម សុខា មិនបានចូលខ្លួនតាមការកោះហៅចំនួន២លើក។ នៅទីស្នាក់ការចាក់អង្រែ នៅតែមានការប្រមូលផ្តុំមនុស្សរាប់រយនាក់ និងធ្វើឲ្យតំបន់នោះ មានការកកស្ទះចរាចរផងដែរ។

តាមសេចក្តីរាយការណ៍មកថា ក្រោយពីធ្វើសន្និសីទកាសែតរួច និងមានការហែញាត្តិទៅកាន់ព្រះបរមរាជវាំង ដើម្បីសុំព្រះរាជអន្តរាគមន៍ពីព្រះមហាក្សត្រ។

ចំណែកឯសាលារាជធានីភ្នំពេញ បានប្រកាសមិនឲ្យមានការហែញាត្តិទៅព្រះមហាក្សត្រនោះទេ ដោយសារតែការសុំហែញាត្តិនេះប្រធុចញ៉ុចពេក សុំព្រឹកធ្វើល្ងាច វាខុសពីច្បាប់ ហើយម៉្យាងខ្លាចមានការប៉ះទម្គិចគ្នាជាមួយក្រុមគាំទ្រចំណាត់ការរបស់តុលាការផងដែរ៕

https://youtu.be/Hk_jfOpT5PE

https://youtu.be/R_PiHtv906E