Post News Media ព័ត៌មានជាតិ ប្រគល់ផ្ទះមួយ...

ប្រគល់ផ្ទះមួយខ្នង ជូនដល់អតីតយុទ្ធជនពិការ

ឧត្តរមានជ័យ: ថ្នាក់ដឹកនាំសមាគមអតីតយុទ្ធជនកម្ពុជា បានធ្វើពិធីប្រគល់ផ្ទះ១ខ្នង ជូនដល់អតីតយុទ្ធជន និងចែកអំណោយដល់បងប្អូនជាជនពិការ នៅវេលាម៉ោង១១និង២០នាទី ថ្ងៃទី៤ ខែមិថុនា ឆ្នាំ២០១៦ នៅចំណុចភូមិត្រពាំងតាវចាស់ ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ។

ពិធីនេះ ក្រោមអធិបតីភាពលោកនាយឧត្តមសេនីយ៍ គន់ គីម អគ្គលេខាធិការសមាគមអតីតយុទ្ធជនកម្ពុជា  និងលោកឧត្តមសេនីយ៍ទោ ម៉ែន លី ស្នងការនគរបាលខេត្ត និងជាប្រធាន ស.អ.ក ខេត្ត រួមទាំងអស់លោក ជាក្រុមការងារ ស  អ ក ខេត្ត ស្រុកបានប្រគល់ផ្ទះ ១ខ្នង ទំហំ៤.៥គុណ៦.៥ម៉ែត្រ ជូនជនពិការ ឈ្មោះ ហួយ ម៉ាប់ ។

ក្នុងឱកាសនោះផងដែរ ថ្នាក់ដឹកនាំសមាគមអតីតយុទ្ធជនកម្ពុជា ក៏បានជួបសំណេះសំណាលសួរសុខទុក្ខដល់បងប្អូនជនពិការ សរុប៥២នាក់ ចែកអំណោយ ម្នាក់ មី១កេះ និងថវិកា២ម៉ឺនរៀល។  ដោយឡែកម្ចាស់ផ្ទះ បានអំណោយបន្ថែម មី១កេះ អង្ករ១ការ៉ុងធំ ទឹកស៊ីអ៊ីវ ១យួរ ទឹកត្រី១យួរ និងថវិកា ចំនួន១៥០.០០០រៀល៕

IMG_3332

IMG_3333

IMG_3334

IMG_3335

IMG_3336

IMG_3341

Loading...