ខ្សែប្រយុទ្ធ របស់អ៊ុយរ៉ូហ្គាយ និង ក្លិបហង្សក្រហម កីឡាករចង្កោមធំក្លិនឈាម Luis Suarez បានចេញមុខសុំទោសដល់ខ្សែការពារអ៊ីតាលី Giorgio Chiellini បន្ទាប់រកឃើញកំហុស កីឡាករអ៊ុយរ៉ូហ្គាយរូបនេះប្រើចង្កោមជាលើកទី ២ ខំស្មា កីឡាករ ខ្សែការពារអ៊ីតាលី ។
កីឡាករវ័យ ២៧ ឆ្នាំ Suarez ត្រូវបានខាង FIFA ហាមប្រាម ៩ ប្រកួត និង ៤ ខែ លើករណីខាងលើ ។
ដោយយល់ថាខ្លួនខុស និងជំរុញ ពីមជ្ឈដ្ឋានខាងក្រៅ Luis Suarez បានធ្វិតនៅលើធ្វិតទ័រថា “ច្រើនថ្ងៃមកនេះ ខ្ញុំបាននៅផ្ទះជាមួយនឹងគ្រួសារ និងឆ្លុះបញ្ជាំងលើការពិត ជាមួយនឹងហេតុភេទ ដែលបានកើតឡើង ក្នុងអំឡុងពេលប្រកួត រវាងអ៊ីតាលី និង អ៊ុយរ៉ូហ្គាយ កាលពីថ្ងៃទី ២៤ ខែ មិថុនា ឆ្នាំ ២០១៤” ។ ក្នុងការបង្ហោះពាក្យពេចន៍ ដឹងពីកំហុសខ្លួននេះ នៅឃ្លាបន្ទាប់គាត់បានសរសេរថា “សម្រាប់បញ្ហានេះ ខ្ញុំពិតជាសោកស្តាយណាស់ ខ្ញុំសូមទោសដល់ Giorgio Chiellini និងគ្រួសារ ហើយប្តេជ្ញាថានឹងមិនឲ្យបញ្ហាដដែលនេះ កើតឡើងចេញពីខ្ញុំសាជាថ្មីឡើយ” ។
ជាមួយនឹង សារអភ័យទោសនេះ ក៏ត្រូវបាន កីឡាករ Giorgio Chiellini ប្រើធ្វិតទ័រ ឆ្លើយតបដូចគ្នា ថា “អ្វីគឺភ្លេចអស់ហើយ តែខ្ញុំសង្ឈឹមថា FIFA និង កាត់បន្ថយ នូវចំនួនការព្យួរលេងរបស់អ្នក”។
សូមបញ្ជាក់ផងដែរថា Suarez ត្រូវបានគេសង្ឈឹមជឿជាក់ថា នឹងផ្លាស់ទៅកាន់ ក្លិប អធិរាជស Real Madrid នៅរដូវក្តៅនេះ ក៏ប៉ុន្តែដោយការព្យូរលេងខាងលើ បើសិនជា Real Madrid ទិញមែន នៅរដូវកាលនេះ ហាក់ដូចជាទិញដុំថ្ម ដាក់ក្លិប ៕
មតិយោបល់