អេហ្ស៊ីប: បើយោងតាមប្រភពគណ:កម្មាធិការស៊ើបអង្កេតបាននិយាយថា គណ:កម្មាធិការស៊ើបអង្កេតគ្រោះថ្នាក់យន្ដហោះ អេហ្ស៊ីប នឹងវិភាគពីទំហំនៃការខូចខាតនៅក្នុងប្រអប់ខ្មៅសម្រាប់ថតសម្លេងចងចាំមុនពេលកំណត់ក្នុងពេលឆាប់ៗនេះ បើសិនជាអាចត្រូវបានជួស​ជុល​នៅក្នុងប្រទេស អេហ្ស៊ីប ឬផ្ញើទៅបរទេស។

ប្រអប់ខ្មៅទី២ ដែលបានថតសំឡេងរបស់យន្តហោះអេហ្ស៊ីប EgyptAir 804 ត្រូវបានក្រុមអ្នកស្រាវជ្រាវរក​ឃើញ។ យន្តហោះអេហ្ស៊ីបដែលបានធ្លាក់ចូលសមុទ្រមេឌីទែរ៉ាណេ កាលពីថ្ងៃទី១៩ ឧសភា ឆ្នាំ២០១៦ បានចេញដំណើរពីប្រទេសបារាំង ទៅប្រទេស​អេហ្ស៊ីប​ ដែលបានបណ្តាលឲ្យមនុស្សស្លាប់ចំនួន ៦៦នាក់ផងដែរ។

គួរជម្រាបថា កាលពីយប់ថ្ងៃទី១៦ ខែមិថុនាម្សិលមិញ ក្រុមស្រាវជ្រាវខាងលើ ក៏បានរកឃើញប្រអប់ខ្មៅទី១ នៃយន្តហោះអេហ្ស៊ីប EgyptAir 804 នេះផងដែរ។

ប្រអប់ខ្មៅ (Black Box) ដែលបានរកឃើញនេះ ត្រូវបានស្រង់ចេញពីសមុទ្រមេឌីទែរ៉ាណេ ហើយប្រអប់ខ្មៅនេះ វាបានថតសំឡេងឆ្លើយឆ្លងរបស់​អ្នកបើកបរយន្តហោះផងដែរ។ ប្រអប់ខ្មៅទាំងពីរ នឹងបញ្ហាញថាតើមូលហេតុអ្វីឲ្យប្រាកដបានជាយន្តហោះដឹកអ្នកដំណើរអេហ្ស៊ីបនេះ ធ្លាក់ចូលទៅ​ក្នុងសមុទ្របែបនេះ។ ដូច្នេះក្រុមអ្នកស្រាវជ្រាវ នឹងធ្វើការត្រួតពិនិត្យរកមូលហេតុពិតនៅពេលខាងមុខឆាប់ៗនេះ៕