ថៃ: បើយោងតាមសេចក្តីថ្លែងការណ៍ ពីខាងរាជវាំងថៃ បានឲ្យដឹងថា ព្រះមហាក្សត្រថៃ ព្រះបាទ ភូមិបុល អាប់ឌុលយ៉ាដេត ដែលជាស្ដេចសោយរាជ្យយូរជាងគេបំផុត ក្នុងពិភពលោក មានព្រះជន្មាយុ ៨៨វស្សា ទៅហើយនោះ បានយាងចូលមន្ទីរពេទ្យម្ដងទៀតហើយ ដោយសារអាការ:រោគគ្រុនក្តៅ និងអាចមានមេរោគ ក្នុងឈាមព្រះអង្គទៀតផង។ នេះបើយោងតាមរយ: សារព័ត៌មាន Channel News Asia ចេញផ្សាយនៅថ្ងៃទី២ ខែសីហា ឆ្នាំ២០១៦។
រយ:ពេលជាងមួយឆ្នាំចុងក្រោយនេះ គេសង្កេតឃើញថា ព្រះមហាក្សត្រថៃ បានយាងចូលមន្ទីរពេទ្យ ទីក្រុងបាងកក ជាញឹកញាប់ ដែលបណ្ដាលប្រជានុរាស្ត្រទូទាំងប្រទេស កំពុងមានការព្រួយបារម្ភជាខ្លាំង អំពីព្រះរាជសុខភាពរបស់ព្រះអង្គ៕
មតិយោបល់