វៀតណាម: អ្នកជំងឺម្នាក់នៅកណ្តាលខេត្ត Phu Yen ដែលមានចម្ងាយប្រមាណ ៩៥០គីឡូម៉ែត្រភាគខាងត្បូងនៃរដ្ឋធានីហាណូយ ប្រទេសវៀតណាម ត្រូវបានគេបញ្ជាក់ថា
ឆ្លងមេរោគ Zika នៅថ្ងៃពុធនេះ។ នេះបើយោងតាមការចេញផ្សាយដោយសារព័ត៌មានចិនស៊ិនហួ​ នៅថ្ងៃទី០៣ សីហា ឆ្នាំ២០១៦នេះ។

បើយោងតាមនាយកដ្ឋានសុខាភិបាលខេត្ត Phu Yen អ្នកជំងឺមានអាយុ ២៧ឆ្នាំរូបនេះ ដែលមានឈ្មោះ​ថា លោក Dinh Tinh បានចាប់ផ្តើមគ្រុនក្តៅ កាលពីថ្ងៃទី២៧ ខែមិថុនា ឆ្នាំ២០១៦ រួមជាមួយរោគសញ្ញា​សាច់ដុំ, សន្លាក់និងកន្ទួលចំណុចនៅលើរាងកាយរបស់គាត់ ត្រូវបានគេបញ្ជូនទៅកាន់មន្ទីរពេទ្យស្រុកខេត្ត Phu Yen កាលពីថ្ងៃទី៣០ ខែមិថុនា។

អាជ្ញាធរសុខាភិបាលក្នុងតំបន់បានជំរុញឱ្យអ្នកជិតស្និទ្ធជាមួយទីភ្នាក់ងារសម្របសម្រួលពាក់ព័ន្ធក្នុងខេត្ត ក្នុងការរកឃើញករណីសង្ស័យ ដើម្បីទប់ស្កាត់ជំងឺនេះ ពីការរីករាលដាលផងដែរ។

នៅដើមខែមេសា វៀតណាមបានរាយការណ៍ពីករណីការឆ្លងមេរោគ Zika នៅខេត្ត Khanh Hoa ភាគខាងត្បូង​និងទីក្រុងហូជីមិញ។ Zika ត្រូវបានគេស្គាល់ថា ជាមេរោគដែលរាលដាលតាមរយៈមូស​ខាំ។ ហើយមេរោគនេះ គឺជាការប្រថុយប្រថាន ពិសេសសម្រាប់ស្ត្រីមានផ្ទៃពោះ វាត្រូវបានគេគិតថា ត្រូវបានផ្សារភ្ជាប់ទៅនឹងការមានកំណើតមិនប្រក្រតីកម្រមួយ ដែលបណ្តាលឱ្យទារក​ដែលទើបនឹងកើត​ខុស​ពីធម្មតា៕