រុស្សី: ប្រទេសរុស្សី ជាប្រទេសដែលមានសីតុណ្ហភាពត្រជាក់ ស្ទើពេញមួយឆ្នាំ ប៉ុន្តែប៉ុន្មានខែកន្លងមក ប្រទេសមួយនេះ បានឈានចូលដល់រដូវត្រជាក់ដ៍អាក្រក់ ហើយធ្វើឲ្យទន្លេមួយចំនួន កករឹង ដែលជាហេតុធ្វើឲ្យគ្មានចរន្តទឹកហូរទៅ ទំនប់វារីអគ្គិសនីសំរាប់បង្កើតអគ្គិសនី ដែលបម្រើឲ្យ ប្រជាជនជិត៥០០០នាក់ដែលរស់នៅក្បែរនោះ។

ដកស្រង់ចេញពីគេហេទំព័រក្នុងស្រុករបស់រុស្សី ចេញផ្សាយនៅថ្ងៃ២០ ខែមេសា ឆ្នាំ២០១៦នេះ រដ្ឋបាលទីក្រុង ម៉ូស្គូ បានសំរេចប្រើយន្តហោះយោធា ស៊េរីទំនើបដែលបំពាក់ទៅដោយ កាំជ្រួចម៉ីសីល ទៅបាញ់បំបែកទឹកកក ដែលកកនៅតាមទន្លេសំខាន់ៗ ជារៀងរាល់ថ្ងៃ។

គួរបញ្ជាក់ផងដែរថា យន្តហោះចម្បាំងមួយគ្រឿងនេះឈ្មោះថា Su-34 ដែលមានល្បឿនលឿនជាងសម្លេង២ដង ហើយសមត្ថភាពវាអាច ផ្ទុះគ្រាប់ម៉ីស៊ីលធន់ធ្ងន់ សម្រាប់ប្រតិបត្តិការណ៍សឹកបាន យ៉ាងពូកែផងដែរ៕