Post News Media ព័ត៌មានអន្តរជាតិ របាយការណ៍តួកគ...

របាយការណ៍តួកគី៖ សង្ស័យពួកសកម្មប្រយុទ្ធឃើដ បាញ់គ្រាប់រ៉ុក្កែតនៅឯព្រលានយន្តហោះទីក្រុង Diyarbakir

តួកគី: ភ្នាក់ព័ត៌មាន Dongan រាយការណ៍មកថា សង្ស័យពួកសកម្មប្រយុទ្ធឃើដ បាញ់គ្រាប់រ៉ុក្កែត នៅឯព្រលានយន្តហោះ ក្នុងទីក្រុង Diyarbakir ភាគអាគ្នេយ៍ប្រទេសតួកគី កាលពីថ្ងៃសៅរិ៍ បណ្ដាលឲ្យអ្នកដំណើរ និងបុគ្គលិកភ័យរត់ស្លន់ស្លោ ប៉ុន្តែមិនទាន់មានរបាយការណ៍អ្នកស្លាប់ និងរងរបួស នោះទេ។ នេះបើយោងតាមរយ: សារព័ត៌មានចិនស៊ិនហួ ចេញផ្សាយនៅថ្ងៃទី២៨ ខែសីហា ឆ្នាំ២០១៦។

ប្រព័ន្ធផ្សព្វផ្សាយ NTV បាននិយាយថា គ្រាប់រ៉ុក្កែតចំនួន ៤ ត្រូវបានបាញ់នៅឯប៉ុស្តិ៍ប៉ូលិសត្រួតពិនិត្យមួយ នៅខាងក្រៅបន្ទប់វីអាយភី ហើយខណ:នោះអ្នកដំណើរ និងបុគ្គលិកបាននាំគ្នារត់ចូលទៅក្នុងអគារ ដើម្បីសុវត្ថិភាព។

គួរបញ្ជាក់ដែរថា Diyarbakir ជាទីក្រុងសំខាន់នៅភាគអាគ្នេយ៍ប្រទេសតួកគី ដែលវាជាកន្លែង ពួកសកម្មប្រយុទ្ធឃើដភាគច្រើន បានធ្វើការបះបោររយ:ពេលបីទសវត្សរ៍កន្លងមកហើយ៕

suspected Kurdish militants fire rock

Loading...