អ៊ីរ៉ាក់: បើតាមមន្ត្រីសិទ្ធិមនុស្សក្នុងប្រទេស បាននិយាយថា ស្រ្តី និងកុមារជនជាតិភាគតិច Turkmen ជាង ៦០០ នាក់ កំពុងស្ថិតនៅក្រោមការគ្រប់គ្រងរបស់ពួកក្រុមភេវរករ ISIS នៅក្នុងប្រទេសអ៊ីរ៉ាក់។ នេះបើយោងតាមរយ: សារព័ត៌មានបរទេស ចេញផ្សាយនៅថ្ងៃទី៥ ខែកញ្ញា ឆ្នាំ២០១៦។

លោក Masrour Aswad ជាមាជិកមួយនៃគណ:កម្មការជាន់ខ្ពស់សិទ្ធិមនុស្សនៅអ៊ីរ៉ាក់ បាននិយាយថា អង្គការអន្តរជាតិមិនបានយកចិត្តទុកដាក់ឲ្យបានគ្រប់គ្រាន់ ដើម្បីរំដោះចំណាប់ខ្មាំងទាំងនេះនោះទេ។

លោក Aswad បានឲ្យដឹងបន្ថែមថា «យើងទទួលបានដំណឹងថា ក្រុម ISIS បានចាប់ពួកគេដាក់គុក មួយចំនួន នៅមូលដ្ឋានយោធាមួយ ក្នុងទីក្រុង Mosul ប៉ុន្តែរដ្ឋាភិបាលសហព័ន្ធនៃប្រទេស និងអង្គការបែរជានៅស្ងាត់ស្ងៀម មិនមានសកម្មភាពអ្វីទាំងអស់។

គួរបញ្ជាក់ដែរថា ភាគស្ត្រីដែលចាប់ជាឈ្លើយសឹកទាំងនោះ ជាញឹកញាប់ត្រូវបានប្រើប្រាស់ជាទាសករ និងកុមារបានយកទៅទទួលការបណ្តុះបណ្តាល សម្រាប់ការវាយប្រហារអត្តឃាត៕