ភ្នំពេញ: បាតុភូតធម្មជាតិដ៏អច្ឆរិយ:មួយកើតឡើង នឹងកើតឡើងលើប្រាង្គប្រាសាទអង្គរវត្ត ក្នុងខេត្តសៀមរាប រយ:ពេល២ម៉ោងជាប់គ្នា នាថ្ងៃទី២៣ ខែកញ្ញា ឆ្នាំ២០១៦ខាងមុខ។ នេះបើតាមសេចក្ដីជូនដំណឹងរបស់ក្រសួងទេសចរណ៍ កាលពីយប់ថ្ងៃទី៥ ខែកញ្ញា។

ក្រសួងទេសចរណ៍ បានជូនដំណឹងដល់ភ្ញៀវទេសចរណ៍ជាតិ និងអន្តរជាតិ តាមរយ:ហ្វេសប៊ុកផ្លូវការរបស់ខ្លួនថា នៅចន្លោះវេលាម៉ៅង៤៖០០នាទី ដល់ម៉ោង៦៖០០នាទីព្រឹក ថ្ងៃទី២៣ ខែកញ្ញា ឆ្នាំ២០១៦ខាងមុខនេះ នឹងមានតុភូតធម្មជាតិដ៏អច្ឆរិយ:មួយកើតឡើងនៅតំបន់សៀមរាបអង្គរ ដោយព្រះសុរិយានឹងរះឡើងចំកណ្ដាលពីលើកំពូលប្រាសាទអង្គរវត្ត ដែលនេះជាបាតុភូតធម្មជាតិដ៏មហាស្ចារ្យកម្រមាន។

ជាមួយគ្នានេះ ក្រសួងក៏បានធ្វើការអំពាវនាវដល់ប្រតិបត្តិករទេសចរណ៍ ការីទេសចរណ៍ ក្រុមហ៊ុនទេសចរណ៍ និងភ្ញៀវទេសចរណ៍ជាតិ-អន្តរជាតិទាំងអស់ ចូលរួមទស្សនា និងផ្ដិតយកទិដ្ឋភាពដ៏ជាទីគយគន់នេះឲ្យបានច្រើនកុះករ ដើម្បីធ្វើការផ្សព្វផ្សាយចែលរំលែកព័ត៌មានគោលដៅទេសចរណ៍កម្ពុជា ព្រះរាជាណាចក្រអច្ឆរិយ: ផ្ដល់ភាពកក់ក្ដៅដល់ភ្ញៀវទេសចរ ទៅកាន់ពិភពលោកតាមគ្រប់មធ្យោបាយផ្សព្វផ្សាយ៕