ចិន: កងកម្លាំងយោធាចិន និងរុស្ស៊ីបានធ្វើសមយុទ្ធរួមគ្នានៅលើកោះមួយ កាលពីថ្ងៃអាទិត្យ ដែលនេះ ជាការចូលរួមធ្វើសមយុទ្ធសមុទ្រឆ្នាំ ២០១៦ របស់ប្រទេសទាំងពីររយ:ពេលបួនថ្ងៃហើយ នៅក្នុងប្រតិបត្តិការ លើផ្ទៃសមុទ្រ។ នេះបើយោងតាមរយ: សារព័ត៌មានបរទេស ចេញផ្សាយនៅថ្ងៃទី១៩ ខែកញ្ញា ឆ្នាំ២០១៦។

ពួកទាហានទាំងនោះ ត្រូវបានគេចែកជាពីរក្រុមដោយមិនផ្ដោតលើទាហានប្រទេសមួយណាទេ ដែលកងកម្លាំងក្រហមសម្រាប់វាយប្រហារ និងខៀវជាកងកម្លាំងការពារ។

កាលពីវេលាម៉ោង ៨ ព្រឹកថ្ងៃអាទិត្យ កងម្លាំងក្រហមបានប្រមូលផ្តុំគ្នានៅដែនទឹក បន្ទាប់មកយន្តហោះ ចម្បាំងជាច្រើនគ្រឿង បានហោះមកដល់ រួចក៏ធ្វើការទម្លាក់គ្រាប់បំផ្ទុះនៅចំណុចគោលដៅលើកោះនោះ។

បន្ទាប់មកនាវាពីរគ្រឿងបានចុះចត ក្នុងនោះមានកម្លាំងទាហានរួមគ្នាជាង ៦០ បានចេញពីនាវាដោយឆ្ពោះ ដំណើរទៅកាន់ឆ្នេរ ទន្ទឹមនឹងនោះ រថក្រោះជាច្រើន បានចូលទៅក្នុងសមុទ្រ និងបានបាញ់ដោយកងកម្លាំង ខៀវនៅលើកោះនោះផងដែរ៕