ថៃៈ បើតាមព្រះបរមរាជវាំង បានឲ្យដឹងកាលពីថ្ងៃអាទិត្យថា ក្រុមគ្រូពេទ្យព្យាបាលជំងឺព្រះមហាក្សត្រ Bhumibol Adulyadej ដែលមានព្រះជន្ន ៨៨ ព្រះវស្សា បានបញ្ជាក់ថា ព្រះអង្គកំពុងមានស្ថានភាពទន់ខ្សោយលើប្រព័ន្ធដកដង្ហើម នៅសប្តាហ៍នេះ ហើយស្ថានភាពសុខភាពព្រះអង្គពេលនេះ ខាងក្រុមគ្រូពេទ្យនៅពុំទាន់អាចបញ្ជាក់ បានទេថាយ៉ាងណានោះ ។ នេះបើយោងតាមរយៈ សារព័ត៌មានចិនសិង្ហបុរី ចេញផ្សាយនៅថ្ងៃទី១០ ខែតុលា ឆ្នាំ២០១៦។

ព្រះអង្គ Bhumibol ជាព្រះមហាក្សត្រគ្រងរាជ្យយូរជាងគេបំផុតរបស់ពិភពលោក និងក៏ជាស្តេចទទួលបានការគោរពស្រឡាញ់ពីប្រជាពលរដ្ឋយ៉ាងច្រើនក្នុងប្រទេសផងដែរ។

គួរបញ្ជាក់ដែរថា រយៈពេលជាងពីរឆ្នាំចុងក្រោយនេះ គេសង្កេតឃើញថា ព្រះមហាក្សត្រថៃ បានយាងចូលមន្ទីរពេទ្យ ទីក្រុងបាងកក ជាញឹកញាប់ ដែលបណ្ដាលប្រជានុរាស្ត្រទូទាំងប្រទេស កំពុងមានការព្រួយបារម្មណ៍ជាខ្លាំង អំពីព្រះរាជសុខភាពរបស់ព្រះអង្គ៕