ភ្នំពេញ:ប៉ុនប៉ងប្រើប្រាស់គ្រឿងញៀន ក្រាមពណ៌សថ្លា០១កញ្ចប់ ត្រូវសមត្ថកិច្ចបង្រ្កាបបានជាក់ស្តែង ឃាត់ខ្លួន០៤នាក់ប្រុស និងដកហូតវត្ថុតាង ក្រាមពណ៌សថ្លា០១កញ្ចប់តូច, ទូរស័ព្ទ០៤គ្រឿង និងម៉ូតូ០២គ្រឿង ស្ថិតនៅភូមិថ្មី សង្កាត់ដង្កោ ខណ្ឌដង្កោ រាជធានីភ្នំពេញ នាម៉ោងប្រហែល៩ យប់នៅថ្ងៃទី៣០ ខែមេសា ឆ្នាំ២០១៦។

ប្រភពពីសមត្ថកិច្ចប្រាប់ឲ្យដឹងាថា ជនសង្ស័យចំនួន០៤នាក់៖
១.ឈ្មោះ ហ៊ុល ណារ៉ាត់ ភេទប្រុស អាយុ១៨ឆ្នាំ មុខរបរកម្មកររោងចក្រ ស្នាក់នៅភូមិប្រការ សង្កាត់ព្រៃស ខណ្ឌដង្កោ។
២.ឈ្មោះ រី ខ្លឹង ភេទប្រុស អាយុ២២ឆ្នាំ មុខរបរកម្មកររោងចក្រ ស្នាក់នៅភូមិប្រការ សង្កាត់ព្រៃស ខណ្ឌដង្កោ។
៣.ឈ្មោះ លេង វិរៈ ភេទប្រុស អាយុ២១ឆ្នាំ មុខរបរកម្មកររោងចក្រ ស្នាក់នៅផ្ទះជួលភូមិថ្មីសង្កាត់ដង្កោ ខណ្ឌដង្កោ រាជធានីភ្នំពេញ។
៤.ឈ្មោះ លុន ប៉ាលី ភេទប្រុស អាយុ២១ឆ្នាំ មុខរបរកម្មកររោងចក្រ ស្នាក់នៅផ្ទះជួលភូមិអញ្ចាញ សង្កាត់ស្ពានថ្ម ខណ្ឌដង្កោ រាជធានីភ្នំពេញ។

សមត្ថកិច្ចបន្តថា វេលាម៉ោង៧និង៣០នាទី កម្លាំងនគរបានខណ្ឌដង្កោ បានជិះល្បាតដល់ចំណុចផ្លូវបេតុងព្រៃស ខាងកើតស្ពានហា ស្ថិតនៅភូមិថ្មី សង្កាត់ដង្កោ ខណ្ឌដង្កោ រាជធានីភ្នំពេញ លុះម៉ោងប្រហែល៩ ឃើញជនសង្ស័យ០៤នាក់ ជិះម៉ូតូ០២គឿង ម៉ាកហុងដាC១២៥ ពណ៌ខ្មៅ (សង់ចិន) ពាក់ស្លាកលេខភ្នំពេញ1AD-4182 និង០១គ្រឿងទៀត ម៉ាកស៊ុយហ្សាគីនិច ពណ៌ស ពាក់ស្លាកលេខភ្នំពេញ1AH-3576 ឈប់នៅចិញ្ចើមផ្លូវ កម្លាំងនគរបាលយើងសង្ស័យបានត្រួតពិនិត្យ និងឆែកឆេរ ឈ្មោះលេង វិរៈ បានបោះចោលក្រាមពណ៌សថ្លា០១កព្ចាប់តូច ចេញពីហោប៉ៅខោទម្លាក់លើផ្លូវបេតុង។ កម្លាំងយើងបានឃាត់ ខ្លួនជនសង្ស័យទាំង០៤នាក់ និងវត្ថុតាង យកមកសួរនាំនៅ អធិការដ្ឋាននគរបាលខណ្ឌដង្កោ។

បច្ចុប្បន្នជនសង្ស័យ និងវត្ថុតាងឃាត់ខ្លួនបណ្តោះអាសន្ន នៅអធិការដ្ឋាននគរបាលខណ្ឌដង្កោ៕