ព័ត៌មានអន្តរជាតិ ព្រឹត្តិការណ៍ សំខាន់ៗ

នៅអាហ្វហ្គានីស្ថានប៉ូលិស ១៣នាក់ ត្រូវសម្លាប់ ក្រោយការវាយប្រហាររបស់ពួកតាលីបង់

អាហ្វហ្គានីស្ថាន: យ៉ាងហោចណាស់មន្រ្តីប៉ូលិស ១៣នាក់ ត្រូវបានសម្លាប់ នៅពេលក្រុមសកម្មប្រយុទ្ធតាលីបង់ បានវាយប្រហារប៉ុស្ត៍ប៉ូលិស នៅក្នុងខេត្ត Farah ភាគខាងលិចប្រទេសអាហ្វហ្គានីស្ថាន កាលពីថ្ងៃព្រហស្បតិ៍។ នេះបើយោងតាមរយ:សារព័ត៌មានស៊ិនហួ ចេញផ្សាយ
ថ្ងៃទី១៨ ខែវិច្ឆិកា ឆ្នាំ២០១៦។

អ្នកស្រុកក្នុងតំបន់បាននិយាយថា ពួកសកម្មប្រយុទ្ធបានសម្រុកចូលវាយប្រហារ អំទ្បុងពេលពាក់កណ្តាលយប់ នៅប៉ុស្ត៍នគរបាលស្រុក Bakwa ខេត្ត Farah ហើយបានរឹបអូសយកអាវុធ និងរថយន្តកងកម្លាំងសន្តិសុខ
ជាច្រើនគ្រឿង ក្នុងនោះដែរប៉ូលិស ៤នាក់ បានបាត់ខ្លួន ដោយគេសង្ស័យថា មានការទាក់ទងជាមួយក្រុមតាលីបង់។

មេប៉ូលិសលោក Malyar បានឱ្យដឹងថា ខណ:នេះប៉ូលិសកំពុងធ្វើការស៊ើបអង្កេតជុំវិញហេតុការណ៍នេះ ហើយនឹងផ្ដល់ព័ត៌មានលម្អិតជាសាធារណ:ពេលក្រោយ៕

photo

មតិយោបល់