Post News Media ព័ត៌មានអន្តរជាតិ ផ្ទុះការបាញ់ប...

ផ្ទុះការបាញ់ប្រហារមួយនៅម៉ិកស៊ិក សម្លាប់មនុស្ស ០៦ នាក់ ក្នុងនោះទាហានម្នាក់ និងឧក្រិដ្ឋជន៥ នាក់

ម៉ិកស៊ិក: យោងតាមមន្ត្រីរដ្ឋាភិបាល បានឲ្យដឹងថា ការបាញ់ប្រហារគ្នាមួយ រវាងទាហាន និងក្រុមក្មេងទំនើងប្រដាប់អាវុធ កាលពីព្រឹកថ្ងៃអង្គារ នៅទីក្រុង Culiacan ជារដ្ឋធានីភាគខាងលិចនៃរដ្ឋ Sinaloa បានសម្លាប់ទាហានម្នាក់ និងឧក្រិដ្ឋជន៥ នាក់ ។ នេះបើយោងតាមរយ: សារព័ត៌មានចិនស៊ិនហួ ចេញផ្សាយនៅថ្ងៃទី៨ ខែកុម្ភ: ឆ្នាំ២០១៧។

អគ្គព្រះរាជអាជ្ញារដ្ឋ Sinaloa បានចេញសេចក្តីថ្លែងការណ៍មួយ ដោយនិយាយថា ការប្រយុទ្ធគ្នានេះ បានកើតឡើងនៅម៉ោងប្រហែល ៣ និង៤០ នាទីទៀបភ្លឺ (ម៉ោងក្នុងស្រុក) នៅពេលដែលក្រុមក្មេងទំនើង បានវាយប្រហារខណ:កងទ័ពល្បាត នៅភាគខាងកើតតំបន់ទីក្រុង។

តាមរបាយការណ៍ផ្លូវការ បានបញ្ជាក់ថា នេះជាការប៉ះទង្គិចគ្នា លើកទីបីហើយ នៅក្នុងរយ:ពេល ១០ ថ្ងៃ នៅទីក្រុង Culiacan ដោយសរុបក្រុមក្មេងទំនើងប្រដាប់អាវុធចំនួន ១២ នាក់ ត្រូវបានបាញ់សម្លាប់៕