អាមេរិក: តំបន់ភាគខាងត្បូងរដ្ឋកាលីហ្វញ៉ា ស្ថិតនៅភាគខាងលិចសហរដ្ឋអាមេរិក ទទួលរងការវាយប្រហារ ដោយព្យុះនៅតំបន់ប៉ាស៊ីហ្វិកដ៏ធំមួយ កាលពីអំឡុងពេលសប្តាហ៍មុន ដោយបានសម្លាប់មនុស្សអស់ ០៥ នាក់។ នេះបើយោងតាមរយ: សារព័ត៌មានចិនស៊ិនហួ ចេញផ្សាយនៅថ្ងៃទី ២០ ខែកុម្ភ: ឆ្នាំ២០១៧។

ព្យុះនេះ បានវាយប្រហារចូលទៅភាគខាងត្បូងរដ្ឋកាលីហ្វញ៉ា តាំងពីព្រឹកថ្ងៃសុក្រសប្តាហ៍មុន ដោយបាននាំយក នូវភ្លៀង និងសន្ទុះខ្យល់បក់យ៉ាងខ្លាំង ក្នុងតំបន់នេះផងដែរ ដែលបានបង្កឲ្យមានរីករាលដាលទឹកភ្លៀងដល់ទីក្រុង San Francisco ចម្ងាយ ៧០០ គីឡូម៉ែត្រពីភាគខាងជើងទីក្រុង Los Angeles។

តំបន់ El Centro ជាទីក្រុងវាលខ្សាច់ ភាគខាងត្បូង ក្នុងទ្វីបសហរដ្ឋអាមេរិក បានស្ថិតនៅក្រោមនីវ៉ូទឹកសមុទ្រ ជាមួយភ្លៀងធ្លាក់ស្រិចៗ រយ:ពេលជាង ១០ ម៉ោង។

ព្យុះនេះមើលទៅ បានបោកបក់នៅភាគនិរតីរដ្ឋកាលីហ្វញ៉ាយ៉ាងខ្លាំង នៅរដូវកាលនេះ ដែលការិយាល័យ ភ្នាក់ងារអាកាសធាតុជាតិ នៃតំបន់ទីក្រុង Los Angeles បានសរសេរនៅលើ Twitter ថា « វាជាព្យុះមួយ ទំនងខ្លាំងបំផុត ក្នុងរយ:ពេលប្រាំមួយឆ្នាំចុងក្រោយនេះ»៕