មីយ៉ាន់ម៉ា: សាច់ញាតិជនរងគ្រោះ បាននាំគ្នាទ្រហោយំ បន្ទាប់ពីក្រុមជួយសង្រ្គោះ នៅថ្ងៃព្រហស្បតិ៍ បានស្រង់សាកសជនរងគ្រោះសរុបចំនួន២៩នាក់ហើយ ចេញពីផ្ទៃ​សមុទ្រ​ភាគ​ខាង​ត្បូងប្រទេសមីយ៉ាន់ម៉ា ក្រោយហេតុការណ៍ធ្លាក់យន្តហោះយោធាមួយគ្រឿង ដែលដឹកអ្នកដំណើរចំនួន១២២នាក់ កាល​ពី​ថ្ងៃ​ពុធ។ នេះបើយោងតាមសារព័ត៌មាន forextv ចេញផ្សាយនៅថ្ងៃ០៩ ខែមិថុនា ឆ្នាំ២០១៧។

ប្រភពពីយោធា បាននិយាយថា ក្នុងចំណោមសាកសព ដែលបានរកឃើញនៅឯសមុទ្រ Andaman ជិតទីក្រុងឆ្នេរសមុទ្រ Launglon ដោយកងទ័ពជើងទឹក និងនាវាស៊ីវិល គឺមានមនុស្សជំទង់ ២១ នាក់ (បុរសម្នាក់ និងស្ត្រី ២០នាក់) រួមទាំងកុមារ ០៨ នាក់ផងដែរ។

ភាគច្រើនសាកសពដែលរកឃើញ ត្រូវបានដាច់អវយវ:ជាបំណែកជាច្រើន និងពុំមានជនរងគ្រោះណាម្នាក់ មានពាក់អាវពោងសង្គ្រោះជីវិតទេ។

គួរបញ្ជាក់ដែរថា យន្តហោះដែលធ្លាក់នោះ ប្រភេទដឹកជញ្ជូនធុន Y-8-200F ផលិតឡើងនៅប្រទេសចិន បានបាត់ពីរ៉ាដា អំទ្បុងពេលហោះហើរ នៅរយ:កម្ពស់៥,៤៨៥ ម៉ែត្រ លើផ្ទៃសមុទ្រ Andaman ស្ថិតនៅចម្ងាយប្រហែល​ជា៧០គីឡូម៉ែត្រ ភាគខាងលិចក្រុង Dawei បន្ទាប់ពីធ្វើហោះចេញពីទីក្រុង Myeik ឆ្ពោះទៅកាន់​ទីក្រុងរ៉ង់ហ្គូន៕