ចិនៈ ក្រសួងការបរទេសទីក្រុងប៉េកាំង បានប្រកាសនៅថ្ងៃអង្គារនេះថា ប្រធានាធិបតីលោក ស៊ី ជីនភីង នឹងធ្វើទស្សនកិច្ចផ្លូវរដ្ឋទៅកាន់ប្រទេសរុស្ស៊ី និងអាល្លឺម៉ង់ ចាប់ពីថ្ងៃទី ៣ ដល់ថ្ងៃទី ៦ ខែកក្កដាខាងមុខ។ នេះបើយោងតាមសារព័ត៌មានចិនស៊ិនហួ ចេញផ្សាយនៅថ្ងៃទី២៧ ខែមិថុនា ឆ្នាំ២០១៧។

អ្នកនាំពាក្យក្រសួងការបរទេសលោក Lu Kang បាននិយាយថា សម្រាប់ដំណើរទស្សនកិច្ចរបស់លោក ស៊ី គឺត្រូវបានធ្វើទ្បើងតបតាមការអញ្ជើញដោយប្រធានាធិបតីរុស្ស៊ី លោក វ្ល៉ាឌីមៀរ ពូទីន, ប្រធានាធិបតីអាល្លឺម៉ង់លោក Frank-Walter Steinmeier និងអធិការបតីលោកស្រី Angela Merkel ។

ក្នុងនោះដែរ លោក Lu បានបន្ថែមថា លោកស៊ី ក៏នឹងចូលរួមកិច្ចប្រជុំកំពូល G20 លើកទី ១២ ចាប់ពីថ្ងៃទី ៧ ដល់ថ្ងៃទី ៨ ខែកក្កដា នៅទីក្រុង Hamburg ប្រទេសអាល្លឺម៉ង់ផងដែរ៕