រតនគិរីៈ ហេតុការណ៍គួរឲ្យរន្ធត់មួយបានកើតឡើង បន្ទាប់ពីបុរសម្នាក់ទៅកាប់ឈើ បែរជាត្រូវឈើរលំសង្កាត់ស្លាប់ក្រោយពីបញ្ជូនទៅសង្គ្រោះបន្ទាន់នៅមន្ទីរពេទ្យ។

ហេតុការណ៍នេះបានកើតឡើងកាលពីវេលាម៉ោង៤ល្ងាច ថ្ងៃទី២៦ ខែមិថុនា ឆ្នាំ២០១៧ ស្ថិតនៅចំណុចក្រុមហ៊ុនជាំងលី ក្នុងភូមិសាស្រ្តភូមិតាំងសេ (បរខាំ) ឃុំញ៉ាង ស្រុកអណ្តូងមាស ខេត្តរតនគរី។

សមត្ថកិច្ចបានឲ្យដឹងថា ជនរងគ្រោះដែលស្លាប់ខាងលើនេះមានឈ្មោះ សំ ដា ភេទប្រុស អាយុ៥២ឆ្នាំ មុខរបរកសិករ មានស្រុកកំណើតភូមិ ដើមចាន់ ឃុំរមេញ ស្រុកកោះអណ្តែត ខេត្តតាកែវ បច្ចុប្បន្នស្នាក់នៅភូមិដាល ឃុំញ៉ាង ស្រុក អណ្តូងមាស ខេត្តរតនគិរី ហើយជនរងគ្រោះខាងលើនេះ ត្រូវបានសាច់ញាត្តិបញ្ជូនទៅសង្រ្គោះនៅមណ្ឌលសុខភាពស្រុក តែជាអកុសលជនរងគ្រោះបានស្លាប់យ៉ាងអាណោចអាធ័មតាមដងផ្លូវទៅហើយ។

ក្រោយពីពិនិត្យរួចហើយនោះ ជនរងគ្រោះត្រូវបានប្រពន្ធនិងសាច់ញាតិបានយកសាកសពទៅធ្វើបុណ្យតាមប្រពៃណី។ ចំណែកមូលហេតុ ត្រូវបានសមត្ថកិច្ចបញ្ជាក់ថា បណ្តាលមកពីកាត់ឈើរលំក្នុងចម្ការបាក់ត្រូវខ្លួនឯង ត្រូវផ្នែកខាងក្រោយត្រង់ស្មាខាងស្តាំធ្ងន់ធ្ងរខ្លាំង ទើបបណ្តាលឲ្យស្លាប់តែម្តង៕