ចិន: ក្រុងប៉េកាំងនាពេលថ្មីៗនេះ បានបញ្ចប់ការធ្វើតេស្តនៃយន្តហោះគ្មានមនុស្សបើក ដើរដោយថាមពលព្រះអាទិត្យ ដែលមានសមត្ថភាពហោះហើរបាន ១៥ ម៉ោង ជាមួយនឹងរយ:កម្ពស់ខ្ពស់ ២០ គីឡូម៉ែត្រពីលើនីវ៉ូសមុទ្រ រួមទាំងអាចបាញ់មីស៊ីលបានផងដែរ។ នេះបើយោងតាមសារព័ត៌មាន Sputnik ចេញផ្សាយនៅថ្ងៃទី១៤ ខែកុម្ភ: ឆ្នាំ២០១៨។
កាលពីថ្ងៃច័ន្ទកាសែត People’s Daily បានរាយការណ៍ថា កងទ័ពរំដោះប្រជាជនចិន បានធ្វើតេស្តយន្តហោះដ្រូន CH-4 Rainbow នៅក្នុងលក្ខខណ្ឌអាកាសធាតុត្រជាក់ខ្លាំង ជាមួយការបាញ់សាកល្បងគ្រាប់ពិតរយ:ពេល ៦ថ្ងៃ។
យន្តហោះដ្រូន CH-4 អាចធ្វើការវាយប្រហារតាមផ្លូវអាកាសយ៉ាងមានប្រសិទ្ធភាពទៅលើគោលដៅឆ្ងាយៗជាច្រើន ជាមួយនឹងល្បឿនប្រតិកម្មដ៏លឿន ដែលវាអាចបាញ់គ្រាប់បែកចង្កោមទម្ងន់ ៥០ គីឡូក្រាម និងបាញ់មីស៊ីលផងដែរ៕
មតិយោបល់