Post News Media ព័ត៌មានអន្តរជាតិ នាយករដ្ឋមន្ត្...

នាយករដ្ឋមន្ត្រីអ៊ីស្រាអែល ជួបពិភាក្សាជាមួយស្ដេចហ្ស៊កដានី នៅរដ្ឋធានី Amman

អ៊ីស្រាអែល: នាយករដ្ឋមន្ត្រីអ៊ីស្រាអែល លោក Benjamin Netanyahu បានជួបពិភាក្សាជាមួយព្រះមហាក្សត្រហ្ស៊កដានី ព្រះអង្គម្ចាស់ Abdullah II នៅរដ្ឋធានី Amman ទាក់ទងនឹងការអភិវឌ្ឍឲ្យជឿនលឿននៅក្នុងតំបន់ សម្រាប់ដំណើរទស្សនកិច្ចមកកាន់រដ្ឋធានី នៃប្រទេសហ្ស៊កដានី។ នេះបើយោងតាមសារព័ត៌មាន Aljazeera ចេញផ្សាយនៅថ្ងៃទី១៩ ខែមិថុនា ឆ្នាំ២០១៨។

តាមសេចក្តីថ្លែងការណ៍មួយពីការិយាល័យនាយករដ្ឋមន្ត្រី បានឲ្យដឹងកាលពីថ្ងៃច័ន្ទថា លោក Netanyahu បានរំលឹកឡើងវិញ នូវការប្តេជ្ញាចិត្តរបស់អ៊ីស្រាអែល ក្នុងការរក្សាជំហរដដែល នៅឯទីសក្ការបូជា ក្នុងទីក្រុងយេរូសាឡឹម ខណ:ដែលហ្ស៊កដានី គឺជាអ្នកមើលថែជាផ្លូវការលើវិហារសាសនាអ៊ីស្លាម នៅក្រុងយេរូសាឡឹម។

ទីភ្នាក់ងារសារព័ត៌មានផ្លូវការរបស់ហ្ស៊កដានី Petra បាននិយាយថា ព្រះមហាក្សត្រ Abdullah II បានសង្កត់ធ្ងន់ថា ទីក្រុងយេរូសាឡឹម មានសារ:សំខាន់ណាស់ សម្រាប់អ្នកកាន់សាសនាអ៊ីស្លាម និងគ្រីស្ទាន ក៏ដូចជាសម្រាប់ពួកសាសន៍យូដា ដោយព្រះអង្គបានបញ្ជាក់ថា បញ្ហានៅទីក្រុងដ៏ពិសិដ្ឋមួយនេះ ត្រូវតែដោះស្រាយ នៅក្នុងកិច្ចព្រមព្រៀង ដោយផ្អែកលើមូលដ្ឋានដំណោះស្រាយរបស់រដ្ឋទាំងពីរ៕