អាមេរិក: នាយកដ្ឋានពន្លត់អគ្គិភ័យ បាននិយាយកាលពីថ្ងៃច័ន្ទថា មនុស្ស ២៣ នាក់បានរងរបួស ដោយសារកម្អែ ដែលភាយចេញពីបន្ទុះភ្នំភ្លើង Kilauea ក្នុងរដ្ឋហាវ៉ៃ បានវាយប្រហារលើទូកមួយគ្រឿង ដែលដឹកមនុស្សទៅមើលកម្អែភ្នំភ្លើង បន្ទាប់ពីវាបានផ្ទុះ អស់រយ:ពេលពីរខែកន្លងមក។ នេះបើយោងតាមរយ:សារព័ត៌មាន Channel News Asia ចេញផ្សាយនៅថ្ងៃទី១៧ ខែកក្កដា ឆ្នាំ២០១៨។

មនុស្ស ១៣នាក់ក្នុងចំណោមពួកគេ ត្រូវការការសម្រាកព្យាបាលនៅមន្ទីរពេទ្យ ហើយអ្នកផ្សេងទៀត ត្រូវបានទទួលការព្យាបាលនៅឯកំពង់ផែមួយ ក្នុងរដ្ឋហាវ៉ៃ។

នាយកដ្ឋានបានបន្ថែមថា ឧប្បត្តិហេតុ បានកើតទ្បើងនៅព្រឹកព្រលឹម ដោយកម្អែដែលខ្ទាតចេញពីភ្នំភ្លើង បានមកប៉ះលើដំបូលទូក បង្កឲ្យមានការខូចខាត និងរបួសដល់អ្នកដំណើរ។

សូមជំរាបថា កម្អែភ្នំភ្លើងដែលហូរចូលទៅក្នុងមហាសមុទ្រប៉ាស៊ីហ្វិក គឺជាទស្សនីយភាពដ៏អស្ចារ្យ បានបង្កើតជាអ័ព្ទដ៏គួរឲ្យចាប់អារម្មណ៍ ដែលធ្វើឲ្យអ្នកទេសចរណ៍ ចង់ទៅទស្សនាកម្សាន្តនៅទីនោះ៕