ព័ត៌មានអន្តរជាតិ ព្រឹត្តិការណ៍ សំខាន់ៗ

មូលហេតុអ្វីបានជាប្រធានាធិបជាប់ឆ្នោតអាមេរិកចូលចិត្តរុស្ស៊ីជាងចិន ក្នុងសតវត្សទី២១នេះ?

អាមេរិក: ប្រធានាធិបតីជាប់ឆ្នោតលោក ដូណាល់ ត្រាំ បានសរសេរជាអាទិ៍ នៅក្នុងប្រព័ន្ធសង្គម Twitter ថា
លោកសរសើរប្រធានាធិបតីរុស្ស៊ីលោក វ្ល៉ាឌីមៀរ ពូទីន ដោយហៅលោក ពូទីន ថា « ជាបុរសឆ្លាតវ័យ » និងបានច្រានចោលការចោទប្រកាន់របស់លោក អូបាម៉ា ថា ទីក្រុងម៉ូស្គូបានជាប់ពាកព័ន្ធនឹងការលួចទិន្នន័យ ក្នុងដំណើរការបោះឆ្នោតប្រធានាធិបតីអាមេរិក ស្រមពេលដែលលោកបែរជាមកវាយប្រហារចិនចំៗ ចំពោះគោលនយោបាយលុយយ័ន និងខកខានមិនបានទប់ស្កាត់ការធ្វើពាណិជ្ជកម្មនៅកូរ៉េខាងជើង។នេះបើតាមសារព័ត៌មាន CNN ចេញផ្សាយនៅថ្ងៃទី០៦ ខែមករា ឆ្នាំ២០១៧។

ក្រុមអ្នកវិភាគមួយចំនួន បានមានទស្សន:វិស័យផ្សេងៗគ្នា ខ្លះថា លោក ត្រាំ កំពុងមានយុទ្ធសាស្រ្តយ៉ាងស៊ីជម្រៅ អ្នកផ្សេងទៀតនិយាយថា លោកត្រាំបានបរាជ័យ ក្នុងការបង្កើតចក្ខុវិស័យ និងចងសម្ព័ន្ធភាពរបស់អាមេរិក ខណ:ដែលលោក បានរិះគន់ប្រធានាធិបតីជិតផុតអាណត្តិ លោកអូបាម៉ា ដែលបានព្យាយាមដើម្បីស្វែងរកផលប្រយោជន៍រួមជាមួយចិនថាជាជនកំសាក ក្នុងគ្រាដែលលោក ទទួលបានជោគជ័យតិចតួចប៉ុណ្ណោះ ដើម្បីទប់ស្កាត់រុស្ស៊ីក្នុងការរំលោភច្បាប់អន្តរជាតិ។

សូមជំរាបថា ប្រធានាធិបតីជាប់ឆ្នោតអាមេរិក នឹងស្បថចូលកាន់ដំណែងនៅសេតវិមាននៅថ្ងៃទី២០ ខែមករា ឆ្នាំ២០១៧ ខាងមុខនេះ៕

មតិយោបល់