Post News Media ព័ត៌មានអន្តរជាតិ គ្រោះរញ្ជួយដី...

គ្រោះរញ្ជួយដី និងរលកយក្សស៊ូណាមិ បង្កឲ្យមានមនុស្សស្លាប់យ៉ាងច្រើន នៅឥណ្ឌូនេស៊ី

ឥណ្ឌូនេស៊ី: ក្រុមមន្ត្រីបាននិយាយថា រលកស៊ូណាមីមួយ បានបណ្តាលឲ្យមានមនុស្សស្លាប់ជាច្រើននាក់ បន្ទាប់ពីវាបានវាយប្រហារក្នុងទីក្រុងតូចមួយ នៅលើកោះ Sulawesi របស់ប្រទេសឥណ្ឌូនេស៊ី កាលពីថ្ងៃសុក្រ ក្រោយមានការរញ្ជួយដីដ៏ធំមួយ បានបង្កឲ្យបាក់រលំអគារ និងកាត់ផ្ដាច់ចន្តរអគ្គិសនី ខណ:ចំនួនពិតប្រាកដនៃជនរងគ្រោះ គេនៅមិនទាន់ដឹងច្បាស់ទ្បើយ។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី២៩ ខែកញ្ញា ឆ្នាំ២០១៨។

រលកយក្សស៊ូណាមីនេះ មានកម្ពស់រហូតដល់ ២ម៉ែត្រ បានវាយប្រហារនៅឆ្នេរសមុទ្រ ចំពេលដែលភ្លៀងធ្លាក់នៅទីក្រុង Palu ជារមណីយដ្ឋានទេសចរណ៍មួយ ស្ថិតនៅក្បែរតំបន់ទីប្រជុំជននេសាទ Donggala ជិតចំណុចកណ្តាលនៃការរញ្ជួយដី ដែលមានចម្ងាយ ២៧ គីឡូម៉ែត្រ។

លោក Sutopo Purwo Nugroho អ្នកនាំពាក្យរបស់ទីភ្នាក់ងារជាតិកាត់បន្ថយគ្រោះមហន្តរាយ បានប្រាប់ក្រុមអ្នកយកព័ត៌មានថា៖ «ករណីរញ្ជួយដី និងរលកយក្សស៊ូណាមីនេះ បានបង្កឲ្យមានមនុស្សស្លាប់យ៉ាងច្រើន … ខណ:ដែលរបាយការណ៍ដំបូងៗ បង្ហាញថា ជនរងគ្រោះបានស្លាប់ នៅក្នុងគំនរបាក់បែកនៃអគារបាក់ស្រុត»។

ប្រភពដដែលបានបន្ថែមថា គ្រោះរញ្ជួយ បានធ្វើឲ្យកាត់ផ្តាច់ប្រព័ន្ធទំនាក់ទំនង និងចរន្តអគ្គិសនី ដែលបង្កឲ្យមានការលំបាក ក្នុងកិច្ចខិតខំប្រឹងប្រែងជួយសង្គ្រោះ៕

Loading...