Post News Media ព័ត៌មានអន្តរជាតិ ប្រធានផ្នែកហិ...

ប្រធានផ្នែកហិរញ្ញវត្ថុក្រុមហ៊ុន Huawei កំពុងស្វែងរកការធានាខ្លួនឲ្យនៅក្រៅឃុំ

ចិន: យោងតាមឯកសាររបស់តុលាការ ដែលបានចេញផ្សាយកាលពីថ្ងៃអាទិត្យ បានឲ្យដឹងថា នាយកប្រតិបត្តិជាន់ខ្ពស់ម្នាក់ របស់ក្រុមហ៊ុនចិនដ៏ធំ Huawei បានអះអាងថា លោកស្រី Meng គួរតែត្រូវបានដោះលែងឲ្យនៅក្រៅឃុំ ខណ:ដែលកំពុងរង់ចាំសវនាការធ្វើបត្យាប័ន ដោយសារតែជំងឺលើសសម្ពាធឈាម រួមទាំងការព្រួយបារម្ភចំពោះសុខភាពរបស់លោកស្រី នៅពេលឃុំឃាំង ក្នុងប្រទេសកាណាដា។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី១០ ខែធ្នូ ឆ្នាំ២០១៨។

ការស្វែងរកការធានាឲ្យនៅក្រៅឃុំ សម្រាប់លោកស្រី Meng Wanzhou បានធ្វើទ្បើងបន្ទាប់ពីលោកស្រី ត្រូវបានចាប់ខ្លួនកាលពីថ្ងៃទី០១ ខែធ្នូ ក្នុងប្រទេសកាណាដា តាមសំណើរបស់អាមេរិក។

មកទល់ពេលនេះលោកស្រី កំពុងប្រឈមទៅនឹងសំណើធ្វើបត្យាប័នផងដែរ ខណ:ដែលប្រទេសចិន បានតវ៉ាប្រឆាំងចំពោះការចាប់ខ្លួនលោកស្រី ទៅកាន់មន្ត្រីអាមេរិក និងកាណាដា៕