Post News Media ព័ត៌មានអន្តរជាតិ អាមេរិក​ បាញ់...

អាមេរិក​ បាញ់​ឧស្ម័ន​បង្ហូរទឹកភ្នែក​ចូល​ព្រំដែន​ម៉ិ​ក​ស៊ិ​ក ​ដើម្បី​បណ្ដេញជនអន្តោប្រវេសន៍​

​អាមេរិក: មន្ត្រីអាជ្ញាធរ​ក្នុងតំបន់ ​បាន​បាញ់​ឧស្ម័ន​បង្ហូរទឹកភ្នែក​ចូលក្នុងប្រទេស​ម៉ិ​ក​ស៊ិ​ក ​នៅ​ប៉ុន្មាន​ម៉ោង​ដំបូង​នៃ​ឆ្នាំ​ថ្មី ​ដើម្បី​បញ្ឈប់​ដំណើរក្រុម​ជនអន្តោប្រវេសន៍​ប្រហែល ១៥០ នាក់​ ដែល​ព្យាយាម​ផ្លោះ​របង​ព្រំដែន​ នៅ​ឆ្នេរ​ Tijuana​។​ នេះបើយោងតាមសារព័ត៌មាន AP ចេញផ្សាយនៅថ្ងៃទី២ ខែមករា ឆ្នាំ២០១៩។

​ក្រសួង​គយ​ និង​ការពារ​ព្រំដែន​អាមេរិក ​បាន​និយាយ​នៅក្នុង​សេចក្តីថ្លែងការណ៍​មួយ​ កាលពី​ថ្ងៃ​អង្គារ​​ថា ឧស្ម័នបង្ហូរទឹកភ្នែកនេះ ក៏​ត្រូវបានបាញ់ទៅ​លើ​អ្នក​គប់​ដុំថ្ម ក្រៅពី​ជនអន្តោប្រវេសន៍ ​ដែល​ព្យាយាម​ឆ្លង​ព្រំដែនផងដែរ​។​

​តាមសេចក្ដីរាយការណ៍ បាន​ឲ្យដឹងថា ពុំ​ភ្នាក់ងារ​ណា​ម្នាក់​បានឃើញ​ផ្ទាល់​ជនអន្តោប្រវេសន៍​ណាមួយ​ នៅ​បន្ទាត់​ព្រំដែន​ ព្រមទាំង​ក្មេងៗ ​ទទួលរង​ផលប៉ះពាល់​ ដោយជាតិគីមី​របស់​ឧស្ម័ននោះទេ​​។​

ប្រភពដដែលបាន​បញ្ជាក់ថា ជនអន្តោប្រវេសន៍ ២៥ នាក់​ត្រូវបាន​ឃុំខ្លួន ស្របពេលដែល​អ្នកផ្សេង​ទៀត​ បាន​លូន​ត្រឡប់​ទៅ​ម៉ិ​ក​ស៊ិ​ក​វិញ​ តាមរយ:​ប្រហោង​មួយ​នៅក្រោម​របង​៕