ស៊ីមបាវ៉េ: អតីតមេដឹកនាំកាន់អំណាចយូរជាងគេរបស់ស៊ីមបាវ៉េ លោក រូប៊ែរ មូហ្កាបេ បានទទួលមរណភាព ក្នុងជន្មាយុ ៩៥ឆ្នាំ នៅមន្ទីរពេទ្យសិង្ហបុរី ដោយនេះជាដំណឹងដ៏គួរឲ្យភ្ញាក់ផ្អើលមួយ។ នេះបើយោងតាមសារព័ត៌មាន Aljazeera ចេញផ្សាយនៅថ្ងៃទី៧ ខែកញ្ញា ឆ្នាំ២០១៩។
លោក មូហ្កាបេ បានដឹកនាំប្រទេស អស់រយ:ពេល ៣៧ឆ្នាំ ត្រូវបានគេចាត់ទុកថា ជាមេដឹកនាំដែលមានអាយុច្រើនជាងគេ នៅក្នុងពិភពលោក។ លោក ត្រូវបានបង្ខំឲ្យចុះចេញពីតំណែង នៅអាយុ ៩៣ឆ្នាំ កាលពីឆ្នាំ ២០១៧ ក្រោមសំពាធរបស់កងទ័ព ក្នុងចលនាទាមទារឯករាជ្យស៊ីមបាវ៉េ។
យ៉ាងណាមិញនៅក្រោយការប្រកាសដំណឹងមរណភាពនេះ ក្រុងប៉េកាំងវិញ ដែលជាសម្ព័ន្ធមិត្តរបស់អតីតមេដឹកនាំស៊ីមបាវ៉េ បានស្វាគមចាត់ទុកលោកថា ជាមេដឹកនាំពិសេស ដែលបានការពារដែនអធិបតេយ្យភាពប្រទេស ប្រឆាំងនឹងការលូកដៃរបស់បរទេស៕
មតិយោបល់