អតីតតារាចម្រៀងរបស់ផលិតកម្ម RS នាយ James បានធ្វើពិធីខួបរំលឹកពីការរួចជីវិត ពីហេតុការណ៍ធ្លាក់យន្ដហោះ លើកទី ១៨ គ្រាដែលលោកធ្វើដំណើរចេញពី ទីក្រុងបាងកក ទៅកាន់ខេត្ត សុរ៉ាតដនថានី លើយន្ដហោះជើងលេខ ២៦១ ម៉ាក Air Buss A 310-300 ក្នុងហេតុការណ៍នោះ មានមនុស្សស្លាប់ជាច្រើននាក់ ។

អ្នកដំណើរជើងលេខ ២៦១ មានចំនួនសរុប ១៤៦ នាក់ បានចេញដំណើរក្នុងរយៈពេល ២ ម៉ោង ជាអកុសលដោយសារអាកាសធាតុ មិនអំណោយផល ភ្លៀងធ្លាក់ខ្លាំងៗពេក បណ្ដាលយន្ដត្រូវរកទីសំចតភ្លាមៗ តែមិនបានសម្រេចគោលដៅ យន្ដហោះក៏ត្រូវធ្លាក់ ហើយមានអ្នកធ្វើដំណើរ ១០១ នាក់បានស្លាប់បាត់បង់ជីវិត នឹង មានអ្នករបួស ៤៥ នាក់​ ក្នុងនោះដែរ មានតារាចម្រៀង នាយ James បានរួចជីវិតពីហេតុការណ៍នោះ ។

បើទោះជាយ៉ាងនេះក៏ពិតមែន អតីតតារាចម្រៀង ផលិតកម្ម RS រូបនោះមិនមែនជាសះស្បើយ ដូចមនុស្សធម្មតានោះទេ ឆ្អឹង និងរាងកាយរបស់លោកមានសភាពស្រាំគ្រាំ មិនប្រក្រតី រហូតដល់មានបំណែកខ្លះនៃឆ្អឹង បាក់ដល់ ២ នីវ ទើបបណ្ដាលឲ្យរាងកាយរបស់លោក ងាយទទួលរងការគ្រោះថ្នាក់ ដូច្នោះហើយ ទើបមួយរយៈក្រោយមកលោកមានការប្រុងប្រយ័ត្ន មិនសូវបានថតឬសម្ដែងរឿងផ្សេងនោះឡើយ ។

សូមជម្រាបបន្ថែមថា តារាចម្រៀងល្បី​នាយ James មិនបាក់ទឹកចិត្តឡើយ លោកនៅតែបន្ដមានការប្រគំតន្រ្ដី ជួបជុំអ្នកគាំទ្ររបស់លោកម្ដងម្កាល ទើបកាលពីថ្ងៃម្សិលមិញ លោក បានសរសេរសារបង្ហោះថា​” គំរប់ខួបហេតុការណ៍ ១៨ ឆ្នាំ មានអ្នកណានៅចាំពេលវេលានោះខ្លះ ” ដោយសង្កេតឃើញថា អ្នកគាំទ្ររូបលោកជាច្រើនអ្នកចូលមក បញ្ចេញមតិអារម្មណ៍សោកសៅ ចំពោះរូបលោកជាច្រើនអ្នកផងដែរ ៕

ប្រភព៖ matichon